"მანჩესტერ იუნაიტედმა" ვიქტორ ვალდესთან 18 თვიანი კონტრაქტი გააფორმა და შეთანხმება სამომავლო გახანგრძლივების პერსპექტივასაც ისახავს.

"ჩემთვის დიდი პატივია "მანჩესტერ იუაიტედთან" კონტრაქტის გაფორმება. მინდა ლუი ვან გაალსა და კლუბს მადლობა გადავუხადო რეაბილიტაციის კურსის გავლისა და სავარჯიშო ბაზაზე ვარჯიშის უფლების მოცემის გამო. აქ გატარებული მცირე ხნის პერიოდში უკვე დავინახე, რამდენად განსაკუთრებულ კლუბში ვარ. ლუი ვან გაალთან ერთად "ბარსელონაშიც" მიმუშავია და იგივე შესაძლებლობის მოცემა "მანჩესტერ იუნაიტედში" ოცნების ახდენას ჰგავს." - განაცხადა ვალდესმა.

"მოხარული ვარ, რომ ვიქტორი გავიფორმეთ. ის ძალიან გამოცდილი ფეხბურთელია და მისი შედეგები ამაზე მეტყველებს. მრავალჯერ მითქვამს, რომ "მანჩესტერ იუნაიტედი" საუკეთესო ფეხბურთელებით ყოველთვის ინტერესდება. ტრავმის შემდეგ აღდგენითი პროცესის გავლისა და პირველ გუნდთან ერთად ვარჯიშის დროს ვალდესმა ნამდვილი პროფესიონალიზმი გამოავლინა. ის კლუბს უერთდება, როგორც ნომერ მეორე მეკარე და პირველი გუნდისთვის დიდი დანამატია." - განაცხადა ვან გაალმა.



წყარო: manutd.com

როგორ შეაფასებთ ვალდესის შეძენას?

დადებითად

უარყოფითად

ხმის მიცემა შედეგები