"მანჩესტერ იუნაიტედის" თავდამსხმელის უეინ რუნის თქმით, "იუნაიტედი" "ეტიჰადზე" მაქსიმალური შედეგის მოსაპოვებლად მიდის. "წითლებს" დღევანდელი მდგომარეობით, მეორე ადგილოსან "სიტისთან" 3 ქულა აშორებთ. რუნის განცხადებით, ეს გუნდს გასამარჯვებლად დამატებით სტიმულს აძლევს. უეინს იმისაც სჯერა, რომ ტიტულისთვის ბრძოლა ორ მანჩესტერულ კლუბს შორის წინა სეზონის მსგავსად დაწყებულია, მაგრამ ამ ბრძოლაში სხვა კლუბის ჩართვას არ გამორიცხავს.
"კვირას მძიმე მატჩი გველის, კარგია რომ "რედინგთან" გავიმარჯვეთ - თამაშისას გვეცოდინება, რომ "სიტის" 3 ქულით ვუსწრებთ. ეს ჩვენ დამატებით სტიმულს გვაძლევს მორიგი სამი ქულის მოსაპოვებლად.
ისე ჩანს, რომ ტიტულისთვის ბრძოლაში მხოლოდ 2 კლუბია დარჩენილი, მაგრამ ეს ყველაზე გიჟური ლიგაა და აქ ყველაფერი ხდება. პირველ რვა ტურში ვხედავდით, როგორ ლიდერობდა "ჩელსი" და ჩვენ მათ ხუთი თუ ექვსი ქულით ჩამოვრჩებოდით. ასეთ დროს მთავარი ყოველ თამაშზე კონცენტრირება და ლიგის ცხრილის სათავეში ადგილის შენარჩუნებაა" - დაასრულა რუნიმ.

წყარო: manutd.com