მოგეხსენებათ, 9 დეკემბერს 17 საათსა და 30 წუთზე, ინგლისის პრემიერ ლიგის მე-16 ტურში "იუნაიტედი" "ეტიჰადზე" "სიტის" ესტუმრება. ჩვენ ვასრულებთ საიტის გახსნისას დადებულ პირობას და "მანჩესტერული დერბის" ყურებას პაბ "ლუდვიგში" გთავაზობთ. ეს იქნება საიტის პირველი შეკრება, გვქონდა ბევრად უფრო კარგი და გრანდიოზული ვარიანტები, თუმცა დასაწყისისთვის ასეთ ადილებში შეკრება ვერ ხერხდება. თანაც, ზოგიერთი ბარი თუ კლუბი (მაგალითად ივენთ ჰოლი) ამ მატჩის ჩვენებას არ გეგმავს.
ლუდის ბარი "ლუდვიგი" მდებარეობს თბილისში, პლეხანოვზე, (მარჯანიშვილზე) უზნაძის ქ. 21-ში. "ლუდვიგი" მოიცავს ერთ ძირითად დარბაზს, ხის მაგიდებით, სკამებით, 3 დიდი ტელევიზორით და ბარით. არის სასიამოვნო გარემო ფეხბურთის მოყვარულთათვის. მატჩის ყურება შეგვეძლება GMG სპორტზე ან რუსულ სეტანტა სპორტზე, ეს თქვენს არჩევანზეა დამოკიდებული.
ბარში შესვლა უფასოა, რაიმეს შეკვეთა აუცილებელი. (მინიმუმ ლუდი და მისაყოლებელი) არანაირი ფულის აგროვება და საფასურის ერთად გადახდა, ყველა ინდივიდუალურად იხდის. სივრცე არც ისე დიდია, ადგილები ამ საათებში (როგორც ბარის წარმომადგენელმა გვითხრა) მეტ-ნაკლებად თავისუფალია. ყველა საჭირო განახლებას და ინფორმაციას ფორუმის, ფეისბუქის გვერდის და ამავე სიახლის სახით შემოგთავაზებთ. გელით ყველა "წითელ ეშმაკს"!

დამატებითი ინფორმაცია იხილეთ ბმულზე: info-tbilisi.com/ludwig
ბარის მდებარეობა: info-tbilisi.com/ludwig/location
maps.google.com/maps

P.S. 14 წლამდე მოზარდები არ დაიშვებიან :)