"მანჩესტერ იუნაიტედი" ორი მატჩის შემდეგ 6 ქულით ა ჯგუფის ლიდერია. ბოლო შეხვედრას ლუი ვან გაალის გუნდი მადრიდის "რეალის" წინააღმდეგ ჩაატარებს. 27 ივლისს ტურნირის პირველ შეხვედრაში წითელმა ეშმაკებმა იტალიური "რომა" დაამარცხეს ანგარიშით 2–3. 30 ივლისს ვან გაალის გუნდი კვლავ იტალიურ კლუბს დაუპირისპირდა, სადაც პენალტების სერიით მოახერხა გამარჯვების მოპოვება. კრის სმოლინგი გუნდს ვერ დაეხმარება. ამის შესახებ განცხადება "წითელი ეშმაკების" ჰოლანდიელმა თავკაცმა, ლუი ვან გაალმა გააკეთა
მადრიდელები ორი მატჩის შემდეგ 2 ქულით მესამე ადგილს იკავებენ ჯგუფში. კარლო ანჩელოტიმ დღეს კიდევ ერთხელ შეკრიბა სამეფო კლუბის ფეხბურთელები და მორიგი სამწვრთნელო სესია გამართა. აღსანიშნავია, რომ კოლექტივთან ერთად მომზადება კვლავ ვერ შეძლო კრიშტიანო რონალდუმ, რომელსაც "იუნაიტედთან" შესაძლოა გარკვეული დრო მიეცეს სათამაშოდ. პორტუგალიელი ფეხბურთელი ინდივიდუალური პროგრამით იყო დაკავებული. კარლო ანჩელოტიმ იმ 11 ფეხბურთელის გვარი ჩამოწერა, რომლებიც დღეს, "მანჩესტერ იუნაიტედის" წინააღმდეგ მოედანზე გამოვლენ. "რეალის" სასტარტო შემადგენლობა: კასილიასი, არბელოა, პეპე, რამოსი, ნაჩო, კარვახალი, ილიარა, ალონსო, მოდრიჩი, ბეილი და ისკო.
ლუი ვან გაალი მატჩის წინ
"გამარჯვება ძალიან მსურს. მე ის მწვრთნელი ვარ, რომელიც "იუნაიტედთან" ერთად გამარჯვებას გეგმავს და ვფიქრობ, ჩემი ფეხბურთელები იგივე დამოკიდებულებას გამოავლენენ".
"ზოგიერთ ფეხბურთელს მოგზაურობების, ვარჯიშებისა და მატჩების გამო დაღლილობა დაეტყო. ამიტომ, ვფიქრობ, მატჩისთვის შემადგენლობა ოდნავ შეიცვლება"