"იუნაიტედში" გადმოსვლაზე: "ლივერპული" და "არსენალი" კარგი კლუბები არიან, მაგრამ "მანჩესტერ იუნაიტედი" სრულიად სხვა რამაა. "ინტერიც" ცდილობდა თავის სატრანსფერო გეგმებში მოვეხვედრებინე, მაგრამ ჩემთვის ამ მომენტში მხოლოდ ერთი კლუბი არსებობდა."




გასახდელ ოთახში DJ-ის როლზე: "რიოსთან ყოველთვის ვჩხუბობ, რადგან ის ამბობს, რომ აიპოდში უკეთესი სიმღერები აქვს! მაგრამ გუნდში ჩემი სიმღერები ყველას მოსწონს, ყველა მე მთხოვს მუსიკის ჩართვას. შემიძლია ჩავრთო ჰიპ-ჰოპი, შევურიო როკი, გასახდელში ყველას გემოვნებას ვითვალისწინებ."

ჩემპიონთა ლიგის მოგებაზე: "ყოველთვის მჯეროდა, რომ ამ ჩემპიონატს მოვიგებდით, მაგრამ ახლა ნამდვილად ვერ ვიჯერებ, რომ ჩემპიონი ვარ. უბედნიერესი ვარ, გასახდელში ატმოსფერო შესანიშნავი იყო. ეს სერ ალექსისთვის დიდი საჩუქარია, მან ეს დაიმსახურა."



"ჩემი აქ ჩამოსვლის დღესვე ვიგრძენი, რომ ძალიან იღბლიანი ვიყავი. როცა გუნდის ძირითადი მოთამაშე გავხდი, მაშინ მივხვდი ვინ ვიყავი და რა შემეძლო. ეს ადგილი ჩემს ხასიათს მოუხდა. აქ მე შემეძლო ვყოფილიყავი ნამდვილი მე."

პადი ქრერანდს: "რატომ მეძახით პატრიციას?"

2009 წლის ჩემპიონთა ლიგის ნახევარფინალში "არსენალის" დამარცხებაზე: "11-მა კაცმა 11 ბავშვის წინააღმდეგ ვითამაშეთ. ჩვენს თავში არასოდეს დავეჭვებულვართ. ბევრად მეტი გამოცდილება გვქონდა და ამან გადაწყვიტა ყველაფერი. თავდაჯერებულები ვიყავით და მოვიგეთ კიდეც."

ჯი-სუნგ პარკზე: "ის კორეის დევიდ ბექჰემია. როცა კორეელები მას ხედავენ ტირიან, ყვირიან, კანკალებენ."

"იუნაიტედში" თამაშის სირთულეზე: "როცა ამ კლუბში გადმოხვალ, უნდა შეეჩვიო იმ აზრს, რომ თუ ვერ მოიგებ მატჩს და შემდეგ ტიტულს, კრიტიკა გარდაუვალია. როცა აქ გადმოვედი, პრემიერ ლიგა მოვიგეთ, შემდეგ ჩემპიონთა ლიგა, ყოველ წელს ტიტულს ვიგებდით. მოგება აქ ჩვეულებრივი მოვლენაა."




"ბაიერნთან" გატანილ გოლზე: "მატჩის დაწყებამდე ვილოცე და გავიფიქრე, შემეძლო "ბასბის ჩვილებისთვის" რამე გამეკეთებინა? გოლი არ მიგულისხმია. სწორედ ამიტომ ვიყავი ასეთი ემოციური გოლის შემდეგ, ვერ ვიჯერებდი რაც მოხდა."



ავტობიოგრაფიის პოტენციურ სათაურზე: "სათაური უკვე მოფიქრებული მაქვს: ქუჩიდან "მანჩესტერ იუნაიტედამდე"

"იუნაიტედის" დატოვებაზე: "ჩემი უდიდესი მადლობა ფანებს, ჩვენ ერთად ფანტასტიკური დრო გავატარეთ, ყველანაირი ტიტული ერთად ავღნიშნეთ და ყველა ეს მოგონება მუდამ ჩვენთან ერთად იცხოვრებს. ყოველი მატჩისას ვხვდებოდი, რომ განსაკუთრებული კლუბის ღირსება უნდა დამეცვა. ჩემი სიყვარული ამ კლუბის მიმართ არასდროს გაქრება და დარწმუნებული ვარ, თქვენ ასეთი შემართებით გააგრძელებთ თამაშს და კიდევ ბევრი წარმატებით ისიამოვნებთ უახლოეს სეზონებში."



წყარო: manutd.com