ეშლი იანგი დარწმუნებულია, რომ ლუი ვან გაალის ახალი ტაქტიკა გუნდმა მომდევნო მატჩებშიც უნდა გამოიყენოს.
ჰოლანდიელმა მწვრთნელმა მსოფლიო ჩემპიონატზე ბრაზილიასთან მატჩში იგივე სისტემა გამოიყენა. "იუნაიტედში" კი ახალ წყობაზე მუშაობისთვის მას მხოლოდ რამდენიმე დღე ჰქონდა.
"ძალიან კარგი გრძნობა იყო, ეს სეზონისთვის მოსამზადებელი ტურნეა და გვინდა პირველ მატჩებს ფიზიკურად მომზადებულები შევხვდეთ. ბევრი მნიშვნელოვანი თამაში გვაქვს დარჩენილი და გვინდოდა, რომ ტურნე მოგებით დაგვეწყო.
ამხანაგურ მატჩში, როცა ასეთი ანგარიშით იგებ, შეგიძლია მოდუნდე და მეორე ტაიმში დაისვენო, მაგრამ მწვრთნელმა ტაქტიკა სრულიად შეცვალა და დასვენებული ფეხბუთელები შემოუშვა, რამაც ხელი შეგვიწყო უკეთესი შედეგის მიღწევაში. არამგონია, "ლა გალაქსის" ამასთან გამკლავება შესძლებოდა. გვინდოდა მეტი გოლი გაგვეტანა და ასეც მოვიქეცით.
ახალმა ტაქტიკამ საშუალება მოგვცა ბურთი გვეკნოტროლებინა და მოწინააღმდეგე ამას ვერაფერს უხერხებდა. ამაზე ვარჯიშისას ვიმუშავეთ და ახლაც გამოგვივიდა. ეს ის ტაქტიკაა, რომელიც ვფიქრობ, მომდევნო მატჩებშიც უნდა გამოვიყენოთ.
როცა თავს ვიცავთ, ამას მთელი გუნდი ვაკეთებთ. როცა შეტევის დრო დგება, მთელი გუნდი ვუტევთ. მოთამაშეები ერთმანეთს ადგილებს უნაცვლებენ. ამის შედეგად გავიტანეთ შვიდი გოლი." - დაასრულა იანგმა.

წყარო: manutd.com