"იუვენტუსის" დირექტორმა ჯუზეპე მაროტამ დღეს გამართულ პრესკონფერენციაზე განაცხადა, რომ იუვენტუსის მომავალი მწვრთნელი მასიმილიანო ალეგრი იქნება, რომელსაც არ სურს ჩილელი ნახევარმცველის, არტურო ვიდალის გაყიდვა. აგრეთვე დაამატა, რომ კლუბი ყველაფერს გააკეთებს ვიდალის შესანარჩუნებლად, იტყობინება Manchester Evening News.

"ვიდალი არ იყიდება. იგი არის ერთ–ერთი ყველაზე მნიშვნელოვანი მოთამაშე ჩვენს გუნდში,"- განუცხადა მაროტამ ჟურნალისტებს.- "არტურო ჩვენთან რჩება, მიუხედავად იმისა რომ მისი შეძენით დიდი კლუბები არიან დაინტერესებულები, ის ჩვენთან ბედნიერია, ჩვენ ჩვენი სურვილით არასდროს გავყიდით მას.

ალეგრიმ ასევე დაადასტურა, რომ იგი აპირებს ვიდალის შენარჩუნებას გუნდში: "მე არ ვაპირებ გუნდის საუკეთესო მოთამაშეების გაყიდვას, პირიქით კიდევ უფრო გავაძლიერებ შემადგენლობას. მოხარული ვარ, რომ შევძლებ ვითანამშრომლო ისეთ ფეხბურთელებთან როგორიცაა ვიდალი და პოგბა. დაასრულა ალეგრიმ.

წყარო: manutd.ru