ახლახანს ბრიტანულ პრესაში გავრცელდა ინფორმაცია, რომ არიენ რობენი ძალიან ახლოსაა "იუნაიტედში" ტრანსფერთან და ამას ყველაფერს რობენიც ადასტურებს.
არიენ რობენი ჯერ კიდევ მსოფლიო ჩემპიონატის დაწყებამდე იყო მონიშნული "იუნაიტედის" მიერ, როგორც შესაძლო ტრანსფერი. ასევე იყო საუბარი, რომ ვან გაალი მსოფლიო ჩემპიონატის დასრულების შემდეგ გადმოიყვანდა ჰოლანდიელს ოლდ ტრაფორდზე.
მას შემდეგ რაც გუშინ ჰოლანდიამ გაიმარჯვა ბრაზილიასთან 3-0, ჰოლანდიურ გამოცემასთან "NOS"-თან საუბრისას არიენ რობენმა დაადასტურა ის ფაქტი, რომ ვან გაალმა შესთავაზა მას ოლდ ტრაფორდზე გადასვლა და ახალი სეზონის ერთად დაწყება.
ვინგერმა ასევე გაუზიარა ჟურნალისტს ის ფაქტიც, რომ მას ვან გაალთან ძალიან კარგი ურთიერთობა აკავშირებს, თუმცა ეს არ ნიშნავდა აუცილებლად იმას, რომ არიენი ახალ სეზონს ოლდ ტრაფორდზე გაატარებდა.
"მე მაქვს სპეციალური კავშირი მასთან(ვან გაალთან), ის ჩემს კარიერაში ყველაზე მნიშვნელოვანი მწვრთვნელია" - განაცხადა რობენმა

წყარო: Thelegraph.co.uk