20 წლის ჩარნი ეკანგამენემ დატოვა "მანჩესტერ იუნაიტედი" და დაბრუნდა მშობლიურ ბელგიაში, იუწყება კლუბის ოფიციალური საიტი. ფეხბურთელმა 4 წლიან კონტრაქტს მოაწერა ხელი "ზიულტე-ვარეგესთან".

ბელგიელმა ნახევარმცველმა გასული სეზონის მეორე ნაწილი გაატარა უორენ ჯონსი 21 წლამდელთა გუნდში, ცენტრალური მცველის პოზიციაზე და მისი დახმარებით კლუბმა მოახერხა რეზერვების ლიგის ფინალში გასვლა, სადაც ლონდონის "ჩელსისთან" დამარცხდა. სეზონის ბოლოს ჩარნი ნომინირებული იქნა დენზელ ჰაროუნის სახელობის პრიზზე, რომელიც რეზერვების საუკეთეო ფეხბურთელს გადაეცემა.

"მე "იუნაიტედში" 16 წლის ასაკში მოვედი და ძალიან ბევრი ვისწავლე აქ. თავიდან 18 წლამდელთა გუნდში ვიყავი, შემდეგ კი რეზერვების შემადგენლობაში. მე ვივარჯიშე მარნიკ ვერმილთან, რიხ დე ლაეტთან, ადნან ინუზაისთან და მარუან ფელაინთანაც კი. ეს ჩემთვის დიდი გამოცდილება იყო. ახლა უკვე დროა შემდეგ ნაბიჯი გადავდგა" - გადმოგვცემს ფეხბურთელის სიტყვებს კლუბის ოფიციალური საიტი.

წყარო: ManUtd.ru