"მანჩესტერ იუნაიტედმა" სამწვრთნელო შტაბში ახალი წევრის, ალბერტ სტეივენბერდის მოსვლის შესახებ განაცხადა. ალბერტი ახალგაზრდებთან მუშაობის ბრწყინვალე სპეციალისტი გახლავთ.

43 წლის სტეივენბერგი მთავარი მწვრთნელის ერთ-ერთი ასისტენტი იქნება და რაიან გიგზითან, მარსელ ბოუტთან და ფრანს ჰუკთან ერთად ლუი ვან გაალს დაეხმარება.

თავისი კარიერის 13 წელი ალბერტმა "ფეიენოორდს" მიუძღვნა. "ალ-ჯაზირაში" გატარებული მცირე ხნის შემდეგ კი ევროპის 17 წლამდელთა ტურნირზე ჰოლანდიის ნაკრები ჩაიბარა.

ჰოლანდიის 17 წლამდელთა ნაკრებთან ერთად, სტეივენბერგი ორჯერ გახდა ევროპის ჩემპიონი - 2011 და 2012 წლებში - რის შემდეგაც თავისი ქვეყნის ახალგაზრდული ნაკრების (21 წლამდელთა) მთავარ მწვრთნელის თანამდებობა ჩაიბარა.

ჰოლანდიის ახალგაზრდულ ნაკრებთან ერთწლიანი მუშაობის შემდეგ კი ალბერტი "იუნაიტედში" მოდის. თავისი მოვალეობების შესრულებას ალბერტი დაუყოვნებლივ შეუდგება. ჯერ-ჯერობით მხოლოდ რაიან გიგზთან მუშაობა მოუწევს, რადგან სხვა პარტნიორები ლუი ვან გაალთან ერთად ბრაზილიაში მსოფლიო ჩემპიონატზე იმყოფებიან.

fapl.ru