მოგეხსენებათ გუშინ ჰოლანდიის ნაკრებმა კოსტა რიკა თერთმეტმეტრიანების სერიაში დაამარცხა. ვან გაალმა კი 11მეტრიანების წინ მეკარის ცვლილება განახორციელა, რის შემდეგაც ეს გადაწყვეტილება აშშ-ს ნაკრების ყოფილმა და "ტოტენჰემის" კარის დარაჯმა ბრედ ფრიდელმა მოუწონა: "გავოცდი, ვან გაალისგან. ასეთი მაგარი და სწორი გადაწყვეტილება დიდიხანია არ მინახავს, უფრო სწორად დიდიხანი კიარა, მსგავსი არ მინახავს".

ინგლისელმა ფეხბურთელმა გარი ლინკერმა კი გაკვირვებით, შემდეგნაირად განაცხადა: "ესეთი რამე მხოლოდ ვან გაალმა შეიძლება გააკეთოს, ნუთუ არ იცოდა, რომ ტიმ კრული ინგლისის პრემიერლიგაში თერთმეტმეტრიანების მოგერიების დიდი სპეციალისტად არ ითვლება, მან ხომ 20-დან მხოლოდ 2 მოიგერია".

ტიმ კრული: "მიუხედავად იმისა, რომ წინა დღეს არ შემისწავლია მოწინააღმდეგის დარტყმები, თერთმეტმეტრიანებზე კარგად ნავარჯიშევი ვიყავი, რაც შეეხება ჩემს კუთხის გამოცნობებს ის იყო, რომ უბრალოდ ბოლო მომენტამდე არ ვირჩევდი კუთხეს".

ვან გაალი: "მეტოქე დავჩაგრეთ, თუმცა ბურთი მაინც ვერ შევაგდეთ. როგორც ჩანს თერთმეტმეტრიანების შესრულებაზე ვარჯიშმა შედეგი გამოიღო".

ხორხე ლუის პინტო (კოსტა რიკას მთავარი მწვრთნელი): "ბრაზილიელ გულშემატკივრებს მხარდაჭერისთვის მადლობას ვუხდი, რაც შეეხება კოსტა რიკას, ქვეყანას შეუძლია, ამაყი იყოს თავიანთი ფეხბურთელებით".

წყარო: www.dailymail.co.uk