როგორც იტალიური გამოცემა Tuttosport გვამცნობს, "იუვენტუსის" ნახევარმცველი არტურო ვიდალი სულ მალე დატოვებს ტურინს ამ საზაფხულო ტრანსფერებზე. ამასთანავე წყარო გვატყობინებს, რომ 27 წლის ჩილელი ნახევარმცველი მადრიდის "რეალს" "მანჩესტერ იუნაიტედს" ამჯობინებს.
გვამცნობენ, რომ ინგლისის 20 გზის ჩემპიონები ვიდალის აგენტთან ყოველდღიურ კონტაქტში არიან, მაგრამ "იუვენტუსის" ოფიციალური საიტი გვამცნობს, რომ არც "რეალისგან" და არც "იუნაიტედისგან" შეთავაზება არ მიუღიათ.
ტურინულ კლუბს თავისი ლიდერის გაშვება ნამდვილად არ სურს, ამიტომ ვიდალის ფასი საკმაოდ მაღალი - 60 მილიონი ევროა.