შეგახსენებთ, რომ გუშინ "წითლებმა" ერერა 29 მილიონ ფუნტად შეისყიდეს. ის "იუნაიტედის" პირველი შენაძენია და მისი ტრანსფერი მოწმობს, რომ "მანჩესტერისთვის" ზაფხული ძალიან დატვირთული იქნება. ერერამ აღიარა, რომ მის გადაწყვეტილებაში ხუან მატამ და დავიდ დე ხეამ დიდი როლი ითამაშეს და შეიძლება ერთ-ერთი მთავარიც კი.

"მე ვიცი, რომ ისინი ძალიან ბედნიერები არიან. მე მათ ვესაუბრე და ორივემ მითხრა, რომ ეს არის უდიდესი კლუბი მსოფლიოში და ასევე მითხრეს ისიც, რომ ძალიან კარგი შემადგენლობა გვყავს. ჩვენ ძალიან კარგი მეგობრები ვართ და დარწმუნებული ვარ, რომ ისინი დამეხმარებიან ადაპტაციაში და კლუბის გაცნობაში,"-აცხადებს ერერა დე ხეასა და მატას შესახებ.

24 წლის ესპანელმა ასევე განაცხადა, რომ მას ერთი სული აქვს როდის ითამაშებს ახალ ბოსთან, ლუი ვან გაალთან ერთად.

"მე ძალიან ბედნიერი და ამაყი ვარ "მანჩესტერ იუნაიტედში" გადმოსვლით. შემიძლია ფანებს დავპირდე, რომ ბევრს ვიმუშავებ და გავხდები ჩემი საქმის პროფესიონალი. ვან გაალი ერთ-ერთი საუკეთესო მწრთვნელია მთელს მსოფლიოში და მე პირადად ბედნიერად და იღბლიანად ვგრძნობ თავს, რადგანაც მასთან ერთად მიწევს თამაში. მე ბევრი რამის სწავლა მსურს და ერთი სული მაქვს როდის დავიწყებთ მუშაობას ახალ მწრთვნელთან, ახალ თანაგუნდელებთან და ახალ მინდორზე "ოლდ ტრაფორდზე".

ManchesterEveningNews