მას შემდეგ რაც, გასულ ზაფხულს "იუნაიტედის" ბოსებმა ვერ შეძლეს ანდერ ერერას გადმობირება, ახლა ერთი ნაბიჯით წინ არიან და სულ მალე ალბათ მიმდინარე ჭორებს ბოლო მოეღება. "იუნაიტედი" ერერას სანაცვლოდ 28 მილიონს იხდის, რაც ავტომატურად ხდება ლუი ვან გაალის პირველი ტრანსფერი.

მოსალოდნელია რომ მისი ფასი თვის ბოლოს კიდევ უფრო გაიზრდება. ამიტომ ხელმძღვანელობა ყველაფერს აკეთებს, რათა ეს ტრანსფერი 48 საათში დასრულებულ იქნეს. მაგრამ ვინ არის ანდერ ერერა და რატომ ადიდებენ "ბილბაოს" ფანები მას ? ქვემოთ მოცემულია 5 რამ, რაც უნდა იცოდნენ "იუნაიტედის" ფანებმა ვან გაალის სავარაუდო პირველი შენაძენის შესახებ...



ანდერ ერერა ქალაქ ბილბაოში დაიბადა 1989 წელს და მისი საფეხბურთო კარიერა "რეალ სარაგოსას" შემადგნლობაში დაიწყო 2004 წელს. მან ესპანეთის ნაკრების მაისური 2009 წლის აგვისტოს მოირგო, მანამ სანამ "ბილბაო ატლეტიკს" შეურთდებოდა. აგრეთვე ცნობილია, რომ მან გამოთქვა სურვილი დატოვოს სამშობლო და შეურთედს "მანჩესტერ იუნაიტედს."



იმისდა მიუხედავად, რომ მას ჯერ არ ჰქონია დებიუტი ესპანეთის მთავარ შემადგენლობაში, ის ერთ-ერთ ყველაზე სრულყოფილ ფეხბურთელად მოიაზრება, რომელმაც ახალგაზრდულთა ნაკრებებში იასპარეზა. ერერამ ჩაატარა 20 შეხვედრა ესპანეთის 20, 21 და 23 წლამდე ნაკრებებშიდა შეძლო 7 გოლის გატანა. იგი გახლდათ გამარჯვების გოლის ავტორი, როდესაც 21 წლამდელებთა ევროპის ჩემპიონატზე თავით დალაშქრა მეტოქის კარი. მიუხედავად ამ ყველაფერისა, 24 წლის ნახევამცველი მუნდიალის მიღმა დარჩა.


ერერა არ ერიდება დარტყმებს, როდესაც მას ამის საშუალება მიეცემა. მას უშიშარი ფეხბურთელის რეპუტაცია აქვს, რომელიც ხელსაყრელ მომენტში ადეკვატურად იქცევა. გასულ სეზონში, მონაცემებზე დაყრდნობით იგი მატჩში ორჯერ ახდენდა "გასროლას", ყველაზე მეტჯერ ვიდრე სხვა ნებისმიერი ლა-ლიგას ნახევარმცველი. განვლილი სეზონი მან 5 გოლით და 5 საგოლე გადაცემით დაასრულა. მისი პასის სიზუსტე 80% გახლავთ, რომელიც შესაძლოა გაუმჯობესებას საჭიროებს, რათა მკაცრ ვან გაალზე გავლენა იქონიოს.


ოთხი წითელი ბარათი, მის ახალგაზრდულ კარიერაში მიგვანიშნებს იმაზე, რომ მას შეუძლია მოედნის ცენტრის ბატონ-პატრონი გახდეს მისი უხეში ვარდნების მეშვეობით. ინგლისურ ფეხბურთში გაცილებით მეტი აქცენტია გამახვილებული ფიზიკურ სიძლიერეზე და სწორედ ეს შეიძლება ჩაითვალოს მის მთავარ კოზირად. ის ყვითელ ბარათს ყოველ 3.5 მატჩში იღებს.


ანდერის მამა, პედრო მარია ერერა აგრეთვე გამოჩენილი ფეხბურთელია, რომელსაც 200 ზე მეტი მატჩი აქვს ჩატარებული კარიერაში. ყველაზე აღსანიშნავი დრო მის კარიერაში 1982-1988 წლებში იყო, როდესაც იგი "რეალ სარაგოსას" ღირსებას იცავდა და 18 გოლის გატანა შეძლო 155 ჩატარებული მატჩიდან. მოგეხსებათ, ისიც ცენტრალური ნახევარმცველი გახლდათ. პედრო მარია ერერა ახლაც კი ჩართულია საფეხბურთო სფეროში და ნამუშევარი აქვს მთავარ მენეჯერად "სარაგოსასა" და "სელტა ვიგოში".



წყარო: Mirror