"ბარსელონას" ცენტრალურმა დამცველმა ხერარდ პიკემ განაცხადა, რომ კლუბმა ფაბრეგასი გაყიდა.
ესპანელმა ეს ნაკრების პრეს-კონფერენციაზე გვერდით მჯდომ ვისენტე დელ ბოსკეს უთხრა, რომ ფაბრეგასი 33 მილიონ ევროდ გაყიდეს.
ესპანელი ჟურნალისტის თქმით, როდესაც პიკე დელ ბოსკეს ესაუბრებოდა მიკროფონი ჩართული არ იყო, თუმცა როგორც თავად აღნიშნეს თავის კოლეგებთან ერთად ახლოს იყვნენ ფეხბურთელთან და ყველაფერი გაიგონეს, სწორედ ამის შემდეგ რა თქმა უნდა, ინფორმაცია მალევე გაავრცელეს. ოღონდ, პიკეს არ დაუკონკრეტებია, რომელი გუნდის ფორმას მოირგებს მომავალ სეზონიდან ფაბრეგასი.


ცნობისთვის გეტყვით, რომ სესკის გადაბირება ორივე "მანჩესტერულ" გუნდსა და ლონდონის "ჩელსის" სურს. დღეს კი ბრიტანულ პრესაში, გავრცელდა ცნობა, რომ "არსენალმა" სესკ ფაბრეგასის უკან დაბრუნება აღარ ისურვა.

ამ ამბავს სესკის თანაგუნდელი პედრო AS-თან საუბრისას მალევე გამოეხმაურა და თქვა, რომ თუ მისი მეგობარი გუნდს გამოიცვლის ეს კატალონიური გუნდის დიდი სირცხვილი იქნება.

წყარო: www.dailymail.co.uk