ლუი ვან გაალმა მინიშნება გააკეთა იმის შესახებ თუ ვინ იქნება მისი რჩეული კაპიტანი. ჰოლანდიის ეროვნული ნაკრების მთავარი მწვრთვნელი "იუნაიტედის" მომავალ მენეჯერად მოიაზრება და ეკვადორის ნაკრებთან გამართული მატჩის შემდეგ მან რობინ ვან პერსის ქება-დედება არ მოაკლო.

"ის ძალიან კარგად თამაშობს." აცხადებს ვან გაალი. "იგი საშინელი ტრავმის შემდეგ დაბრუნდა და საოცარი გოლი გაიტანა. დაუჯერებელია. მიუხედავად იმისა რომ ის დიდი წნეხის ქვეშ იყო, მან ეს მაინც შეძლო და მე მოხარული ვარ. ის კარგი კაპიტანია."



როდესაც 62 წლის ჰოლანდიელს ჰკითხეს, თუ რატომ ფიქრობს რომ ვან პერსი კარგი კატიპანია მან აღტაცება არ დამალა: "შენ კაპიტნად ყოველთვის ისეთ ფეხბურთელს ირჩევ, რომელიც მეტ-ნაკლებად შენს ფილოსოფიას იზიარებს. საუბარია არა მხოლოდ ფეხბურთზე, არამედ მთლიანად მსოფლმხედველობაზე."

"ასე რომ მიმაჩნია რომ ეს ძალიან მნიშვნელოვანია. ვფიქრობ რომ ვან პერსის და ვან გაალს ერთი და იმავე ფილოსოფია აქვთ." დაასრულა ჰოლანდიელმა.

წყარო: Mirror