"მანჩესტერ იუნაიტედის" თავდამსხმელი უეინ რუნი თავის შვილსა და მსოფლიო ჩემპიონატზე ინგლისელ ჟურნალისტთან საუბრობს...

- უეინ, როგორ ემზადებით მსოფლიო ჩემპიონატისთვის?

- "მართალია ცოტა ტრავმა კიდევ მაწუხებს, მაგრამ ყოველ დილით ინდივიდუალურად ვვარჯიშობ. ვარჯიშისას კი ყოველთვის ბოლომდე ვიხარჯები, მაქსიმუმ ვაკეთებ და ვეცდები გულშემატკივრებს მსოფლიოზე იმედები არ გავუცრუო".

- ვის ისურვებდით ფინალში?

- "გერმანიას !!... ვფიქრობ დღესდღეობით ბრაზილიას გერმანია ჯობს. სწორედ ამიტომ გერმანელების დამარცხება ყოველთვის სასიამოვნოა. კარგია, როდესაც ნებისმიერ გუნდთან იგებ მატჩს, თუმცა განსაკუთრებული მომენტია, როცა ისეთ გუნდებს და ნაკრებებს ამარცხებ, როგორიც გერმანიაა. არ დამვიწყებია ესპანეთის ნაკრები, ისინი მსოფლიოს და ევროპის ჩემპიონები არიან, სწორედ ამიტომ გამოვარჩევ ერთ-ერთ საუკეთესოდ ვისენტე დელ ბოსკეს გუნდს".

ფეხბურთელების მიზანი?

- "ჩვენი მთავარი მიზანი იქნება, მწვრთნელის დავალებების ზუსტად შესრულება და მონდომება. მთავარია გეგმას არ გადავუხვიოთ".

- თქვენ შვილთან ერთად, როცა დადიხართ ხშირად "კაის" სხვადასხვა გუნდის მაისურები აცვია, რით არის ეს განპირობებული?

- "(იცინის) კაი ვერ იტანს ერთფეროვნებას. ზოგჯერ ისეთი გუნდის მაისურის ყიდვას მთხოვს, რომელიც პირველად გაიგო. ფეხბურთის თამაშზე და ასევე ყურებაზე კი გიჟდება. თუ დიდი ფეხბურთელი გამოვა, ჩემთვის ძნელი წარმოსადგენი იქნება, თუ იგი სადმე 1 წელზე დიდხანს გაჩერდება".