The Times - ის კორესპონდენტის, ნორტკროფტისა და The People - ის საფეხბურთო სექციის უფროსის, სტივ ბეიტსის განცხადებით, ლუკ შოუ ახლოსაა "მანჩესტერ იუნაიტედში" გადასვლასთან. "მანჩესტერ იუნაიტედის" ტელეარხთან გაკეთებულ ინტერვიუში პროვე მაღგანმა აღნიშნა, რომ მათი მონაცემებით ლუკს სწორედ "ოლდ ტრაფორდზე" სურს გადასვლა.

ასევე აღსანიშნავია, რომ The Daily Mail და The Daily Express ამ კვირაში წერდნენ, რომ შოუმ თავის "საუთჰემპტონელ" თანაგუნდელებს "ოლდ ტრაფორდზე" წასვლის შესახებ აცნობა.

როგორც ვიცით ინგლისის 20 გზის ჩემპიონებმა ჯერ კიდევ იანვარში შესთავაზეს "წმინდანებს" შოუს გამოსყიდვა და ტრანსფერში 22.5 მლნ. ფუნტს იხდიდნენ, მაგრამ უარი მიიღეს. სეზონის ბოლო შეხვედრის შემდეგ, რომელიც "იუნაიტედმა" სწორედ "სენტ მერიზე" გამართა, კიდევ ერთი შეთავაზება გაკეთდა, ამჯერად 27 მლნ. ფუნრის რაოდენობით, მაგრამ ისიც უარყოფითი პასუხით დასრულდა. ახლა კი სატრანსფერო თანხა 30 მლნ. ფუნტს აღწევს და "იუნაიტედის" მესვეურების აზრით, სწორედ ამან უნდა გაუღოს კარი შოუს.

manutd.ru