"მანჩესტერ იუნაიტედის" ყოფილმა ნახევარმცველმა, პარკ ჯი სუნმა თავის საფეხბურთო კარიერას წერილი დაუსვა.

სამხრეთ კორეელი ფეხბურთელი 2005 წელს მოიყვანა სერ ალექს ფერგიუსონმა "პსვ ეინდჰოვენიდან". პარკმა "იუნაიტედთან" ერთად 4-ჯერ აღმართა პრემიერ-ლიგის თასი.

პარკმა, რომელმაც თავისი კარიერა "ქუინზ პარკ რეინჯერსიდან" უკან, "პსვ" - ში დაბრუნებით დაასრულა, განაცხადა, რომ მან ცხოვრებაში ბევრს მიაღწია.

"ყოველგვარი სინანულის გარეშე მივდივარ" - აცხადებს პარკი, რომელიც ჩემპიონთა ლიგის ისტორიაში პირველი აზიელი გახლდათ.

პარკის ენერგიასა და მონდომებას სერ ალექსი ხშირად მნიშვნელოვან ნაწილად იყენებდა გუნდის თამაშის დროს.

თავისი შვიდ წლიანი მანჩესტერული კარიერისას პარკი, რომელიც 4 მლნ. ფუნტად შეიძინა "იუნაიტედმა" გახდა პირველი აზიელი კლუბის ისტორიაში, რომელმაც გუნდის კაპიტნის სამკლაური მოირგო. ეს მოხდა 2005 წელს, როცა პარკმა გიგზისგან მიიღო კაპიტნის სამკლაური.

მან დიდი დახმარება ვერ გაუწია 2009 წელს "იუნაიტედს" ჩემპიონთა ლიგის ფინალში ბარსელონას დამარცხებაში, მაგრამ თავისი წვლილი შეიტანა ერთი წლით ადრე თასის აღმართვაში.

"ფეხბურთისგან სიამოვნებას ვიღებდი" - დაამატა პარკმა, რომელმაც 100 შეხვედრა ჩაატარა სამხრეთ კორეას ნაკრებში და სამ სხვადასხვა მსოფლიო ჩემპიონატზე გაიტანა გოლი.

"იმაზე მეტს მივაღწიე, ვიდრე წარმოვიდგენდი. მადლიერი ვარ იმ მხარდაჭერისთვის, რომელსაც ვიღებდი და მთელი ცხოვრება იმაზე ვიფიქრებ, თუ როგორ გადავიხადო სამაგიერო."

პარკმა 205 შეხვედრაში 27 გოლი გაიტანა და 11-ჯერ მოიგო თასი "მანჩესტერ იუნაიტედის" შემადგენლობაში.

BBC