მას შემდეგ რაც დევიდ მოიესმა დატოვა პოსტი ხშირად არის საუბრები, რომ მისი შემცვლელი სწორედ ლუის ვან გაალი იქნება. Goal.com_ის ინფრომაციით ლუის ვან გაალს უკვე შეუთანხმდა გლეიზერების ოჯახი გასული 24 საათის განმავლობაში.
არის ასევე ცნობა იმის შესახებ, რომ ჰოლანდიელი კლუბს მოკლე ვადიანი კონტრაქტით, კერძოდ 3 წლიანი კონტრაქტით გაწვრთვნის და ის კლუბს სათავეში ჩაუდგება მას შემდეგ, რაც ჰოლანდიის ეროვნული ნაკრები დაასრულებს ასპარეზობას მომდევნო მუნდიალზე.
"იუნაიტედის" დელეგაცია, რომელშიც ედ ვუდვარდი და ერთ-ერთი ძმა გლეიზერისა შედიოდა, ვან გაალს ესტუმრა მისივე ვილაში, კერძოდ ქალაქ ალგარვში.
ასევე არის ცნობა, რომ ჰოლანდიელმა სპეციალისტმა უკვე მოაწერა ხელი ქაღალდებს და მოლაპარაკება დასრულდა მხარეებს შორის, ახლა კი უკვე საქმის დროა.
გარდა ამისა, Goal.com იუწყება, რომ ჯერ კიდევ გასულ კვირას, როდესაც ლუის ვან გაალმა განაცხადა, რომ ის მოხარული იქნებოდა "იუნაიტედის" მწვრთვნელობით, უკვე გადაწყვეტილი და შედგენილი იყო კონტრაქტის პირობები, რასაც "სქაისპორტი" უარყოფს.
ჰოლანდიელს, რომელსაც 63 წელი შეუსრულდება აგვისტოში მოუწევს გუნდის გაწრთვნა მოკლე ვადიანი კონტრაქტით და ის შეეცდება აღმოფხვრას ის 11 თვიანი პერიოდი, რაც მოიესმა ცუდად ჩაატარა.
ასევე, თუ კი ვან გაალი დაიკავებს პოსტს "იუნაიტედში" მას სრულიად შესაძლებელია დამხმარე ასისტენტად პატრიკ კლიუვერტი გამოყვეს, რომელიც ჰოლანდიის ნაკრებშიც ეხმარება ვან გაალს.
ყოფილი "მადრიდის რეალის", "აიაქსის" და "ბაიერნის" მწვრთვნელი მოლაპარაკებებს მართავდა "ტოტენჰემთან", სადაც ის 3-ჯერ შეხვდა ინგლისური კლუბის წარმომადგენლებს, თუმცა რადგან ინტერესი გაიზარდა "იუნაიტედის" მხრიდან ჰოლანდიელმა შეწყვიტა მოლაპარაკებები და გადაერთო მანჩესტერულ კლუბზე. საუბარი იყო, რომ ის "არსენალში" არსენ ვენგერს შეცვლიდა, თუმცა ეს მხოლოდ ჭორის დონეზეა ცნობილი.
ჰოლანდიელი თვლის, რომ "იუნაიტედი" არის მსოფლიო დონის კლუბი და სჯერა, რომ მას შეუძლია წარმატება მოუტანოს კლუბს და რომ ის კარგი ვარიანტი იქნება კლუბისთვის.

წყარო: Goal.com