22-04-2014, 19:12

ავტორი: washington,

ნანახია: 3602,

კომენტარები: 11

La Gazzetta: როი კინის სახალისო ინტერვიუ

“ლა გაძეტა დელო სპორტმა" მეტად სახალისო ინტერვიუ ჩაწერა "მანჩესტერ იუნაიტედის" ყოფილ ლეგენდარულ ფეხბურთელთან, კერძოდ კი როი კინთან...

“ლა გაძეტა დელო სპორტმა" მეტად სახალისო ინტერვიუ ჩაწერა "მანჩესტერ იუნაიტედის" ყოფილ ლეგენდარულ ფეხბურთელთან, კერზოდ კი როი კინთან...

როი, თქვენი პირველი სამუშაო რა იყო?

- "11 წლის ვიყავი, როდესაც ვარჯიშის შემდეგ ფაბრიკაში მივდიოდი და ვმუშაობდი. შემოსავალი დიდი არ მქონდა, რომ გადავიანგარიშოთ, თვეში 150 ევროსაც არ მიხდიდნენ, მაგრამ იქ მუშაობა ღირდა".

რატომ?

- "თქვენ ვერც კი წარმოიდგენთ ფაბრიკაში რამდენი ლამაზი გოგო მუშაობდა".

პელე თუ მარადონა?

“სიმართლე, რომ გითხრათ პელე მილიონჯერ მირჩევნია. როგორც ფეხბურთელი და როგორც პიროვნება, ბრაზილიელი არგენტინელს დიდად აღემატება. ვფიქრობ დიეგოს თავის თავზე ძალიან დიდი წარმოდგენა აქვს, ამაში ბევრიც დამეთანხმება. მარადონა იმით ამაყობს, რომ შეხვედრა ხელით გატანილი გოლით მოიგო. თუმცა, დიეგო რომ დიდი ფეხბურთელი იყო, იმავე შეხვედრაში დაამტკიცა, როცა ლამის მთელი ინგლისის ნაკრები მოატყუა და გოლი ისე გაიტანა”.

თანაგუნდელებიდან ყველაზე გადარეულს, ვის იცნობდით?

- "კანტონას. არ არსებობდა საქციელი, რომელზეც იტყოდი, ერიკი არ ჩაიდენსო. მიუხედავად ამისა, იგი მაინც ძალიან კარგი ადამიანია. პირადად ჩემთვის მას ძალიან დადებითი მხარე მოქონდა, სახუმარო იქნება - იხუმრებდა (იცინის) და თუ დასარიგებელი იქნებოდა - დაარიგებდა".

კიდევ იყო გუნდში ვინმე "მისნაირი"?

- "ფორლანი!!. მე მაგრად მამწარებდა. "მანჩესტერში" ნახევარი წელი ერთ სახლში ვცხოვრობდით. საერთო სააბაზანო გვქონდა. რომ შეიკეტებოდა ხოლმე, ორი საათი მარტო თმას ივარცხნიდა. გამოვიდოდა თან როგორი? საშინელი ვარცხნილობით. მოკლედ დიეგო მაგარი აუტანლად იქცეოდა".

რამდენად რელიგიური ბრძანდებით?

- "ძძალიან. თუ საიმისო დრო არ მაქვს, რომ ტაძარში წავიდე, სახლში მაინც აუცილებლად ვლოცულობ. ჩემი ოჯახის წევრებიც ასე იქცევიან".

წყარო: La Gazzetta Dello Sport

სიახლეები, სტატიები, ახალი ამბები, ინტერვიუები, ლეგენდები

11 კომენტარი