დღეს დილით მოხდა, ის რასაც მთელი საფეხბურთო სამყარო ელოდება: დევიდ მოიესმა პოსტი დატოვა.

ჟურნალისტებსაც სხვა საქმე არ აქვთ და "იუნაიტედის" სახელს უამრავ ადამიანს უკავშირებენ. ქვემოთ შემოგთავაზებთ მათ შორის ყველაზე გამორჩეულებს.

1. ლუი ვან გაალი (Sky Bet)



62 წლის ჰოლანდიელი სპეციალისტი მსოფლიო ჩემპიონატისთვის ემზადება, მაგრამ მან არაერთხელ გამოთქვა სურვილი, რომ ინგლისში ემუშავა. მის სახელს უკავშირებდნენ "ტოტენჰემს", მაგრამ "იუნაიტედიც" შესაძლო ვარიანტებს შორისაა.

ვან გაალის ტიტულების სია: 7 თასი ოთხ ქვეყანაში, ჩემპიონთა ლიგის თასი და უეფას თასი.

ცოტა ხნის წინ მან განაცხადა, რომ ვან პერსი უფრო დიდი სიხარულით თამაშობს ნაკრებში, ვიდრე კლუბში.

მას კლუბი არ გაუწვრთნია 2011 წლის შემდეგ. უკანასკნელად მისი კლუბი "ბაიერნი" იყო, რომელიც მხოლოდ მესამე ადგილზე გაიყვანა.

2. კარლუშ კეირუში (PaddyPower)



კეირუში დიდი ხნის განმავლობაში წარმატებულად ართმევდა თავს სერ ალექსის ასისტენტობას და "იუნაიტედიც" შესანიშნავად იცის. მისი ნოვატორულობისა და პედანტურობის დამსახურებაა სწორედ, რომ რონალდუ მსოფლიო დონის ფეხბურთელი გახდა.

კეირუში მხოლოდ ერთხელ ედგა კლუბს სათავეში, როცა იგი მადრიდის "რეალმა" მიიწვია. თუმცა ესპანეთში მისი სამსახური წარუმატებელი გამოდგა და 10 თვეში დაითხოვეს.

3. სერ ალექს ფერგიუსონი (Coral)



რა შეიძლება ითქვას ამ ადამიანზე. მემგონი ბევრი ლაპარაკი საჭირო არაა, ისედაც ყველამ ყველაფერი ვიცით.

იგი პრემიერ-ლიგის ისტორიაში საუკეთესო მწვრთნელია. ყველას გვსურს ალბათ მისი დაბრუნება, მაგრამ საკითხავია თავად თუ მოინდომებს.

4. იურგენ კლოპი (Paddy Power)



გამოკითხვების მიხედვით იურგენი ყველაზე დიდი პოპულარობით სარგებლობს გულშემატკივართა შორის. ის ქარიზმატულია, სავსეა ენერგიით, მისი კლუბი კარგად თამაშობს და თავად კარგად მუშაობს ახალგაზრდებთან. ჰო, მართლა, თასებსაც იგებს.

მისი "ბორუსია" კარგად თამაშობს, მაგრამ ლიდერებს კარგავს. რამდენ ხანს გაწვრთნის იგი ასეთ კლუბს.

სამწუხაროდ მან ყველა იმედი მოკლა, თუ რამ არსებობდა მისი გადმოყვანის: "იუნაიტედი დიდებული კლუბია და მე ვგრძნობ კავშირს მის გულშემატკივრებთან, მაგრამ მე "ბორუსიასა" და მისი ფანების ერთგული ვარ და ამ კავშირს ვერაფერი დაარღვევს."

აქ შეგიძლიათ წაიკითხოთ, თუ რატომ შეეფერება კლოპი "იუნაიტედს"

5. რაიან გიგსი (Bet Victor)



"იუნაიტედის" მთავარი მწვრთნელის დროებითი შემსრულებელი მთელი თავისი კარიერა სერ ალექსის ხელში თამაშობდა. ახლა მან მოთამაშისა და მწვრთნელის ფუნქციები ერთად შეითავსა.

მას სამწვრთნელო გამოცდილება არ აქვს, მაგრამ გულშემატკივრებს შორის პოპულარულია და შესაძლოა უფრო გამოცდილ დირექტორთან ტანდემს უკეთესი შედეგები მოეტანა.

6. დიეგო სიმეონე (Coral)



ბევრის აზრით არგენტინელი ევროპის მასშტაბით საუკეთესოა. მისი მიღწევები "ატლეტიკოსთან" ერთად გასაოცარზე უფრო მეტია: "ლა ლიგის" სათავე და ჩემპიონთა ლიგის ფინალური ეტაპები.

მკაცრი და თავდაჯერებული სიმეონე ისევე წვრთნის, როგორც თამაშობდა. მთავარია დევიდ ბექჰემს არ ვკითხოთ აზრი მის თაობაზე, რომელიც 1998 წლის მსოფლიო ჩემპიონატზე სწორედ მის გამო გააძევეს მოედნიდან.

7. პეპ გვარდიოლა (PaddyPower)



ფეხბურთის ახალი სტილის შემოქმედი. ის ერთ-ერთი საუკეთესოა. მის ტიტულებს "ლა ლიგის" რამდენიმე თასი, ჩემპიონთა ლიგის ორი ტიტული და ესპანეთის თასის ორი თასი მიეკუთვნება. გარდა ამისა არის კიდევ სხვა ტიტულებიც...

2012 წელს იგი "ბარსადან" წავიდა, ერთი წელი დაისვენა და "ბაიერნში" გადაბარგდა, სადაც ასევე შესაშნიავად ეწყობა კარიერა. კარგი ვარიანტია, მაგრამ ძალიან საეჭვოა მისი დანიშვნის წარმატება.

8. ანტონიო კონტე (PaddyPower)



წარსულში კარგი ნახევარმცველი. მან "იუვენტუსს" ძველი დიდება დაუბრუნა. მისი კარიერა ძირიდან დაიწყო, მისმა "სიენამ" და "ბარიმ" მაღალ საფეხურებს მიაღწიეს. ახლა იგი უმაღლეს ლიგაშია და იგი ერთ-ერთ საუკეთესოდ ითვლება.

"იუვენტუსის" წინ მესამე სკუდეტოა ზედიზედ და მხოლოდ ჩემპიონთა ლიგაზე განცდილი კრახი თუ დაგვაეჭვებს კონტეში.

9. ფაბიო კაპელო (PaddyPower)



იტალიელი მწვრთნელი - ბოლო 20 წლის ერთ-ერთი ყველაზე წარმატებული მწვრთნელი.

კაპელომ სამ კლუბთან ერთად მოიგო ტიტული და ორი ნაკრები გაწვრთნა.

მიუხედავად ამისა ის 67 წლისაა, ამიტომ მისი ხანგრძლივი ეტაპით დანიშვნა არ ღირს. გარდა ამისა ახალი კონტრაქტის მიხედვით მან რუსეთის ნაკრები 2018 წლამდე უნდა გაწვრთნას, ასე რომ მისი გადმობირება ეჭვს იწვევს.

10. ფრანკ დე ბური (BetVictor)




დე ბური წარმატებული ფეხბურთელი იყო და ახლა არანაკლებ წარმატებული მწვრთნელია.

"აიაქსი" მეოთხედ ემზადება ერედივიზიონის მოსაგებად და ცოტა ხნის წინ განცდილი სამარცხვინო წაგებაც კი ვერ აფუჭებს მათ ხასიათს.

redevils.ru