"მანჩესტერ იუნაიტედი" მოიეისის გაშვების შემდეგ იურგენ კლოპის მოყვანას აპირებს. "ბორუსიის" მწრთვნელი არის "იუნაიტედის" ყველაზე სასურველი კანდიდატურა შოტლანდიელის ჩასანაცვლებლად, რომელსაც ხელმძღვანელობა მოსვლიდან 11 თვის შემდეგ გაუშვებს.

კლოპმა "დორტმუნდი" ააშენა და ბევრი ფიქრობს, რომ ახლა უკვე დალაგებული გუნდიდან ის წამოსვლას არ დააპირებს. თუმცა, სხვადასხვა წყაროებზე დაყრდნობით 46 წლის მენეჯერი დატოვებს "ბუნდესლიგას" და გადაინაცვლებს "პრემიერ ლიგაში", კერძოდ კი "მანჩესტერ იუნაიტედში".

Goal-მა უკვე გამოააშკარავა, რომ "იუნაიტედი" შეხვდა ვან გაალსაც, რომელიც თავისუფალი აგენტი იქნება მუნდიალის შემდეგ. ამ შეხვედრამ, რომლის მოწყობასაც დაახლოებით ერთი კვირის წინ ვარაუდობენ დიდი მითქმა-მოთქმა გამოიწვია ხალხში. ბევრი ფიქრობს, რომ ვან გაალის სტილი კარგად მოერგება "იუნაიტედს".

შოტლანდიელს დაითხოვენ "პრემიერ ლიგაში" "ევერტონთან" განცდილი მარცხის შემდგომ და როგორც აცხადებენ "ნორვიჩთან" თამაშამდეც. რაიან გიგზი კი სწორედ ის პიროვნება იქნება, რომელიც გუნდს სეზონის ბოლომდე ჩაიბარებს. თუმცა მოთამაშე-მწრთვნელი 40 წლის რაინი არც ისე რეალური კანდიდატურაა იმისთვის, რომ ჩაანაცვლოს მოიესი და ასე უცბად ამხელა პასუხისმგებლობა აიღოს თავზე, რადგანაც მას საერთოდ არ აქვს გამოცდილება ამ საქმეში.

კლოპს "დორტმუნდთან" კონტრაქტი 2018 წელს ეწურება. ის ნამდვილად საოცარი მწრთვნელია, რადგანაც მან ერთი უბრალო გუნდი, რომლისაც ცოტა ხნის წინ არავის ეშინოდათ ევროპის ერთ-ერთ ძლიერ კანდიდატად აქცია. კლოპმა "ბორუსიას" მოაგებინა "ბუნდესლიგა" და გასულ სეზონში "ჩემპიონთა ლიგის" ფინალშიც კი ითამაშა. მათ წელსაც თავისი სიტყვა თქვეს ჩემპიონთა ლიგაზე და სულ ცოტა აკლდათ "რეალის" დასამარცხებლად. გარდა ამისა, "ბუნდესლიგაში" მეორე ადგილი უჭირავთ "ბაიერნის" შემდეგ.

ამ ყველაფრის გათვალისწინებით, კლოპი იდეალური ვარიანტია სუსტი "მანჩესტერის" გასაძლიერებლად და ფორმაში მოსაყვანად.

იურგენს დიდი ხნის განმავლობაში უკავშირებდნენ "პრემიერ ლიგას" მაგრამ ის საკუთარი გუნდის ერთგული რჩებოდა. "იუნაიტედს" კი სჯერა, რომ მას აქვს პრესტიჟი და ისტორია კლოპის გადმოსაბირებლად ამ ზაფხულში. კლოპი სწორედ ის კაცია, რომელსაც გლაიზერები და ედ ვუდვარდი ტარნსფერებისთვის გამოყოფილ £200 მილიონს მშვიდად და აუღელვებლად ანდობენ.

Goal.com