"მანჩესტერ იუანიტედის" ხელმძღვანელებმა უკვე დაიწყეს ფიქრი დევიდ მოიესის შემცვლელზე.

სერ ალექსს ფერგიუსონის მემკვიდრემ შესაძლოა "ოლდ ტრაფორდზე" მხოლოდ ერთი წელიწადი დაჰყოს. მის ხელში გუნდს პრემიერ-ლიგის ისტორიაში ყველაზე ცუდი სეზონი აქვს გატარებული.

Goal-ის მტკიცებით გუნდის ხელმძღვანელობა უკვე რამდენიმე კვირააა, რაც ზაფხულში ხელმისაწვდომ მწვრთნელებს აკვირდება. საბოლოო გადაწყვეტილების მიღება გლეიზერებს ევალებათ. ისინი არც წინა წელს იყვნენ მოხარულნი მოიესის მოწვევით, მაგრამ ფერგიუსონის ალღოს მიენდვნენ.

ეს სეზონი არა მარტო მოიესის მწვრთნელობაში გვაეჭვებს, არამედ მისი მენეჯერობის უნარშიც. მან უკვე 60 მლნ. ფუნტზე მეტი თანხა დახარჯა ახალწვეულებზე და ასევე რუნის პირობებს დასთანხმდა, რის შემდეგაც მაღალანაზღაურებადი კონტრაქტი გაუფორმა ინგლისელს. ამ ყველაფრისგან კი სარგებელი ჯერ ძალიან ცოტაა.

მოიესის გაშვება სერიოზულ ზიანს არ მიაყენებს გუნდის ბიუჯეტს - 6 წლიანი კონტრაქტის გაწყვეტა გლეიზერების ინიციატივით შეიძლება მოხდეს, მთლიანი თანხის მხოლოდ მცირედი ნაწილის გადახდით.

გარდა ამისა, როგორც იტყობინება Manchester Evening News, გულშემატკივრების ნაწილი ფულს აგროვებს, რათა დაიქირაონ თვითმფრინავი და შაბათს გასამართ შეხვედრაში, "ასტონ ვილასთან" მოიესის საწინააღმდეგო ბანერი გამოფინონ ცაზე. მოიესისდა სამწუხაროდ, იგი ყველას ნდობას კარგავს: ხელმძღვანელობის, გულშემატკივრების და საკუთარი მოთამაშეებისასაც კი.

fapl.ru