"იუნაიტედის" ახალგაზრდა მოთამაშის, მარნიკ ვერმიილის აგენტის განცხადებით, მისი კლიენტი კლუბში მხოლოდ იმ შემთვევაში დარჩება, თუ დევიდ მოიესი "ოლდ ტრაფორდს" დატოვებს. ბელგიელი ფლანგის მცველი, რომელიც 22 წლისაა, რამდენჯერმე იყო გამოძახებული ბელგიის 21 წლამდელთა ნაკრებში, ამ სეზონში კი არენდის წესით "ნაიმეგეენში" ასპარეზობს. გამოცემა Hets Nieuwsblad-ს საუბარში, მარნიკის აგენტმა, ტონი დულერსმა განაცხადა:"ვერმიილს "იუნაიტედთან' კონტრაქტი 2015 წლამდე აკავშირებს, მაგრამ თუ სიტუაცია არ შეიცვლება, ის კლუბს ამ სეზონის ბოლოს დატოვებს. ეს ყველაფერი დევიდ მოიესზე არის დამოკიდებული. "












"თუ მოიესს დაითხოვენ, ვერმიილის მომავალი მანჩესტერში უკეთესი იქნება. თუ ეს არ მოხდება, მაშინ ის გუნდს დატოვებს. "იუნაიტედში" ყველა ბედნიერია, რადგან მარნიკი საგრძნობ პროგრესს განიცდის. ისინი ამბობენ, რომ შემდეგ წელს მას უკეთეს გუნდში გაანათხოვრებენ, მაგრამ ეს არ არის იდეალური გადაწყვეტილება. ის მიიღებს შანსს მანჩესტერის ძირითად შემადგენლობაში სათამაშოდ, ან დატოვებს გუნდს."

დულერსმა ასევე დაამატა, რომ მისი აგენტით დაინტერესებულია "აიაქსი" და პრემიერ ლიგის რამდენიმე კლუბი. ასევე მას შეხვდებიან "გენკისა" და "ანდერლეხტის" წარმომადგენლები მომავალ კვირას.