მანჩესტერ სიტის თავდამსხმელი კარლოს ტევეზი აკრიტიკებს იუნაიტედის ლეგენდას გარი ნევილის, იმის გამო რომ იგი სამწვრთნელო კარიერასთან ერთად სხვა საქმით არის დაკავებული. ტევეზი თვლის, რომ ასეთი დამხმარე ნაკრებს არ გამოადგება, რომელიც პარალელურად სასტუმროს აშენებს და სპორტულ გადაცემებში იღებს მონაწილეობას. არგენტინელი მას ურჩევს, რომ რომელიმე ერთ საქმეს მიხედოს, ვინაიდან მის ყოფილ თანაგუნდელს არცერთ ჩამოთვლილ საქმეში ჯერჯერობით წარმატება არ აქვს.

"მე ვერ წარმომიდგენია, რომ ინგლისის ნაკრების ერთ-ერთი მწვრთნელი თავისი სანაკრებო საქმის გარდა, სხვა სამუშაოსაც ეწეოდეს. გინახავთ სადმე, გერმანიაში, იტალიაში ან ესპანეთში, რომ დამხმარე მწვრთნელი ტელეწამყვანი ყოფილიყო? ამ კვირაში გავიგე, რომ ნევილი აპირებს სასტუმროს აშენებას ოლდ ტრაფორდის გვერდით. მაინტერესებს, ამით რა სსარგებლობას მოუტანს იგი ინგლის და როი ჰოჯსონს? როდესაც ინგლისის ნაკრების მწვრთნელი ფაბიო კაპელო იყო, მისი დამხმარე მწვრთნელები ყველა გუნდის შეხვედრებს ესწრებოდნენ. გულრწფელად რომ გითხრათ, მე არ მჯერა გარი ნევილის და იგი არანაირ სარგებელს არ მოუტანს ნაკრებს."

ასევე უყურადღებოთ არ დატოვა ტევეზმა ნევილის ის განცხადებაც, რომელშიც მან დავიდ ლუიზს 10 წლის ბავშვი უწოდა.

"ნევილს ძალიან უხარია, როდესაც ფეხბურთელებზე ხუმრობს. ვფიქრობ, რომ მან უფრო თავის საქმეზე უნდა იფიქროს. ვიცი, რომ სქაისპორტსი მას კარგად უხდის, მაგრამ მან გადაწყვეტილება უნდა მიიღოს და რომელიმე სამსახურს თავი უნდა დაანებოს. იგი ყველა გუნდის თამაშებზე უნდა დადიოდეს და ფეხბურთელებს უნდა აკვირდებოდეს. ასევე მან ბევრი უნდა იმუშაოს საკუთარ თავზე, იმისათვის რომ ინგლისის ნაკრები მსოფლიო ჩემპიონატს კარგად შეხვდეს."

წყარო-Redevils.ru