მანჩესტერ "იუნაიტედმა" ახალი კრიშტიანო რონალდო აღმოაჩინა- ლისაბონის "სპორტინგის" 19 წლის ფეხბურთელი კარლოს მანე. ის იმ ფეხბურთელთა სიაში შედის, ვის ყიდვასაც მოიესი ეცდება ტრანსფერებისთვის განკუთვნილი 200 მილიონი ევროთი. მანე, რომელსაც შეუძლია ცენტრში თამაში, ისევე როგორც ფლანგებზე, პორტუგალიის ჩემპიონატის ყველაზე ნიჭიერ შემტევად ითვლება, მას შემდეგ რაც აქ კრიშტიანო რონალდო თამაშობდა, რომელმაც "იუნაიტედს" 2003 წელს, 12 მილიონი ევროს სანაცვლოდ მიაშურა. "სპორტინგი" მანეში 20 მილიონ ევროს ითხოვს. დაახლოებით იგივე თანხის გადახდა მოუწევს მანჩესტერს უილიამ კარვალიოს სანაცვლოდ, რომელიც მოიესის ერთ-ერთი მთავარი სამიზნეა.







როგორც უკვე ცნობილია, გლეიზერებმა 200 მილიონი ევრო გამოყვეს ტრანსფერებისათვის. ეს საკმარისია ძლიერი შემადგენლობის ჩამოსაყალიბებლად. ასევე, შესაძლო ტრანსფერებისა და გაცვლების მიხედვით, "იუნაიტედის" ბიუჯეტი ალბათ 300 მილიონი ევროთი გაიზრდება. გასათვალისწინებელია ის ფაქტიც, რომ მანჩესტერელები შესაძლოა ჩემპიონთა ლიგის საგზურის გარეშე დარჩნენ, ეს იმოქმედებს კლუბის ბიუჯეტზე. შეგახსენებთ, რომ "იუნაიტედი" ეცდება ტონი კროოსის ყიდვას.









კროოსის ხელფასი "იუნაიტედში" დაახლოებით 250,000 ევრო იქნება კვირაში, რაც მის ამჟამინდელ გასამრჯელოს ბევრად აღემატება. "ბაიერნი", ყველაზე კარგ ვარიანტში,მის სანაცვლოდ 40 მილიონ ევროს მიიღებს , რადგან კროოსს სეზონის ბოლოს კონტრაქტის ვადა ეწურება.