24-02-2014, 23:01

ავტორი: RojoDiablo,

ნანახია: 2749,

კომენტარები: 15

კარვალიოს "ოლდ ტრაფორდზე" სურს.

თუ "იუნაიტედს" ვილიამ კარვალიუს შეძენა სურს, 30 მლნ. უნდა გაიღოს.

"მანჩესტერ იუნაიტედს" მოუწევს თითქმის 30 მლნ. ფუნტის გადახდა ლისაბონის "სპორტინგის" ნახევარმცველის, ვილიამ კარვალიუს სანაცვლოდ.

"იუნაიტედის" საზაფხულო სამიზნეებს შორის სწორედ კარვალიუ მოხვდა. პორტუგალიელმა ნახევარმცველმა, რომელმაც უკვე მოასწრო რამდენიმე შეხვედრის ჩატარება ნაკრების შემადგენლობაში "იუნაიტედის" ყურადღება მიიპყრო.

იმ დროს, როცა "მანჩესტერ იუნაიტედს" კონკურენტი უნდა ჰყოლოდა "ბარსელონას" სახით, კარვალიუმ სურვილი გამოთქვა "ოლდ ტრაფორდზე" გადასულიყო. წყარო - Gazzetta Dello Sport იტყობინება, რომ კარვალიუმ ეს სურვილი თავად დევიდ მოიესთან საუბრის დროს გამოთქვა და თავის ახლანდელ კლუბს მოუწოდა ნებისმიერი სახის წინადადება განეხილათ.

თუმცა "იუნაიტედს" "სპორტინგის ხელმძღვანელობის მიერ მოთხოვნილი 45 მლნ. ფუნტის გადახდა მოუწევს კარვალიუს მისაღებად. 21 წლის კარვალიუ უკვე დაბრუნდა "ბრიუგედან", რომელშიც იგი იჯარის წესით თამაშობდა. "სპორტინგთან" დაკავშირებულ კონტრაქტში კი არის მითითებული შესყიდვისთვის განკუთვნილი სპეციალური თანხა. ეს თანხა კი დაახლოებით 30 მლნ. ფუნტის ტოლია.

"იუნაიტედს" ტრანსფერი ადრეც განუხორციელებია "სპორტინგიდან". 2003 წელს მათ კრიშტიანუ რონალდუ შეიძინეს 12.225 მლნ. ფუნტად. 2007 წელს კი ლუიშ ნანი, რომლის სანაცვლოდ 25,5 მლნ. ფუნტი გადაიხადეს.