მანჩესტერ იუნაიტედმა განაახლა ინტერესი პარის სენ ჟერმენის, იტალიელ ფეხბურთელ, მარკო ვერატიზე. იუნაიტედს უკვე რამდენი ხანია ნახევარდაცვაში პრობლემები აქვს და დევიდ მოიესს ძალიან დიდი სია აქვს იმ ფეხბურთელებისა, რომლებმაც უნდა გააძლიერონ კლუბის ნახევარდაცვა. ერთ-ერთი სამიზნე კი მარკო ვერატია.

მარკო ვერატი, რომელიც ფრანგულ კლუბში პესკარადან გადავიდა, იტალიაში უკვე შერაცხეს "ახალ პირლოდ". იუნაიტედის წარმომადგენლები კი ამ უკანასკნელს ჩემპიონთა ლიგის მატჩში დააკვირდნენ,სადაც პ.სჟ-მ გერმანული ლევერკუზენი 4-0 დაამარცხა.

ასევე აქვე ისიც უნდა აღინიშნოს, რომ ტურინის იუვენტუსიც არის დაინტერესებული ვერატით.

წყარო:talksport