უეინ რუნი თვლის, რომ "არსენალთან" ჩატარებული დამაჯერებელი თამაშის შემდეგ, ის და მისი პარტნიორები უნდა ეცადნონ უახლოეს მატჩებში უკეთესი შედეგები აჩვენონ.
"წინ უამრავი მნიშვნელოვანი მატჩი გვაქვს პრემიერ ლიგასა და ჩემპიონთა ლიგაზე, ჩვენ ამას მოუთმენლად ველოდებით. მე ვფიქრობ, რომ "არსენალთან" მატჩში ძალიან კარგად გამოვიყურებოდით. ჩვენ წინააღმდეგ სერიოზული მეტოქე იყო და ჩვენ კარგად ვიცავდით თავს, მაგრამ ვწუხვარ, რომ სერიოზული მომენტები ვერ გამოვიყენეთ."
"არსენალთან" ჩატარებულ საგარეო მატჩში ფრე სულაც არაა ცუდი შედეგი, რამაც თავდაჯერებულობა უნდა შეგვმატოს. იმედი მაქვს, ეს თავის როლს ითამაშებს უახლოეს მატჩებში. ახლა ჩვენს გრაფიკში მცირე შესვენებაა. ჩვენ შეგვიძლია ახალი ძალებით აღვიჭურვოთ, რითაც სეზონის მეორე ნაწილში ვიბრძოლებთ."
"ყოველთვის სასიამოვნოა პარტნიორებთან დროის გატარება. ასეთი ტურნეები - ეს შესაძლებლობაა ხედავდე შენს თანაგუნდელებს 24 საათი დღეში. ეს საერთო გუნდურ სულისკვეთებაზე იმოქმედებს."
"მე ძალიან მომწონს რობინთან და ხუანთან ერთად მუშაობა. მატა - მსოფლიო კლასის მოთამაშეა, რომელიც დიდად გაგვაძლიერებს. უნდა მოვიცადოთ, სანამ იგი გუნდს შეეწყობა. იმედი მაქვს, როგორც კი ეს მოხდება, დიდ წარმატებებს მივაღწევთ."