"წითელი ეშმაკები" დომინირებდნენ მთელი მატჩის განმავლობაში, მათ სასარგებლოდ იყო ბურთის ფლობა, ჰქონდათ გაცილებით მეტი მომენტი და ასევე რეკორდული რაოდენობის ჩაწოდება დაფიქსირდა გასულ მატჩში.
რობინ ვან პერსისა და მაიკლ კერიკის გოლებით "იუნაიტედმა" შემოაბრუნა მატჩი მის სასარგებლოდ. თუმცა დარენ ბენტმა დამატებულ წუთებში შეძლო და აღადგინა წონასწორობა.
მოიესის აზრით "იუნაიტედმა" იბრძოლა, იშრომა, რომ მოეპოვებინა გამარჯვება საკუთარ სტადიონზე. შოტლანდიელმა სპეციალისტმა ისაუბრა "სქაისპორტთან" სადაც მან განაცხადა: "იუნაიტედს" შეეძლო ამ მატჩის მოგება, თუმცა გაგვეპარა ხარვეზები. რას ვიზავთ, ფეხბურთი ასეთია."
"ჩვენ ვცადეთ ყველაფერი იმისათვის, რომ მოგვეგო. იყო პასები, ჩაწოდებები, ვეცადეთ გავსულიყავით წინ, მაგრამ სამწუხაროდ ვერ დავასრულეთ მომენტები ჩვენს სასარგებლოდ. ვფიქრობ, რომ თუ კი შევძლებდით გოლის გატანას უფრო ადრე აუცილებლად გავიმარჯვებდით. როგორც ხედავთ ეს ასეა, ჩვენ შევქმენით მეტი მომენტი და ვერ გამოვიყენეთ, მათ ჰქონდა რამდენიმე მომენტი და შეძლეს დაგვირგვინება." - საუბრობს მოიესი.
მოიესი ასევე საუბრობს მატჩის შესაძლო დასასრულზე, რომ მისმა გუნდმა აშკარად დაიმსახურა გამარჯვება. "ჩვენ სრულიად დავიმსახურეთ გამარჯვება. დავიმსახურეთ, მაგრამ ყოველთვის ვერ მიიღებ იმას რასაც იმსახურებ."
ბოლოს კი მოიესმა 4-ეულში ვერ მოხვედრის საშიშროებაზე ისაუბრა და რომ "იუნაიტედს" უკვე 9 ქულა აშორებს ჩემპიონთა ლიგის ზონაში მოსახვედრად.
ჟურნალისტმა ჰკითხა მოიესს, შეეძლო თუ არა კლუბს მოხვედრილიყო 4-ეულში, შოტლანდიელმა კი ასეთი პასუხი გასცა: "ჩვენ აუცილებლად გავაკეთებთ ჩვენს საუკეთესოს".

წყარო: "სქაისპორტი"