მანჩესტერ იუნაიტედის შოტლანდიელი სპეციალისტი სერ ალექს ფერგიუსონი მიიჩნევს,რომ მანჩესტერ იუნაიტედის თავდასხმელებს შეუძლიათ დაეხმარონ კლუბს ტიტულების მოგებაში.

ამ ზაფხულს რობინ ვან პერსის შეძენით შოტლანდიელმა საგრძნობლად გააძლიერა კლუბის თავდასხმის ხაზი.სერ ალექსმა უკვე შეძლო თავდასხმელების დახმარებით 1999 წელს ტრებლის მოგება.

რობინს მანჩესტერში უკვე 11 გოლი აქვს გატანილი,ხავიერ ერნანდესს კი 6 გოლი,ხოლო უეინ რუნის ჯერ-ჯერობით 3 გოლი.

"რობინი შესანიშნავია.მან 8 წელი გაატარა ლონდონულ კლუბში და იყო ამ კლუბის ერთ-ერთი გამორჩეული მოთამაშე.ის ძალიან დაეხმარა კლუბს.ასევე არ უნდა დაგვავიწყდეს,რომ ჩვენ გვყავს დანი უელბეკი"

"რობინმა უკვე მოახერხა 11 გოლის გატანა,ასევე ხავიერ ერნანდესის ანგარიშზე 6 გოლია,რომელსაც ამ ზაფხულში დასვენება ძალიან მოუხდა"

"ასევე ძალიან კარგად თამაშობს უეინ რუნი,რომელიც ბოლომდე იბრძვის მოედანზე.მჯერა რომ სამივე მათგანი შეძლებს სეზონში 20 გოლზე მეტის გატანას"

"გასულ სეზონში ჩვენ გოლების სიმცირის გამო დავთმეთ პრემიერ ლიგა,რასაც ჩემი კლუბი აღარ დაუშვებს.პირობას გაძლევთ,რომ ასეთი რამ აღარ განმეორდება"-დაასრულა სერ ალექსმა

აქვე იმასაც შეგახსნებთ,რომ 1999 წელს მანჩესტერ იუნაიტედის ოთხი თავდამსხმლიდან მარტო 2-მა მოთამაშემ ენდი კოულმა და დვაით იორკმა შეძლო 20 გოლზე მეტის გატანა.