"ბაიერნის" მთავარმა მწრთვნელმა პეპ გვარდიოლამ განაცხადა, რომ შესაძლოა სატრანსფერო ფანჯრის დახურვამდე ტონი კროოსი "ოლდ ტრაფორდზე" გადაბარდგეს.

ნახევარმცველმა, ძალიან უხეში ჟესტით დატოვა ბოლო თამაში და გაბრაზებაც შეეტყო, როცა მთავარმა მწრთვნელმა ის შეცვალა, რამაც ბევრი მითქმა-მოთქმა გამოიწვია და შესაძლოა ის "ბაიერნს" დაემშვიდობოს კიდეც.

ამასობაში "იუნაიტედი" დროს არ კარგავს და 24 წლის ნახევარმცველისთვის £25 მილიონს ამზადებს.





მატჩის მოგების შემდგომ, პეპ გვარდიოლამ ასეთი განცხადება გააკეთა:

"კროოსი საჭირო ფიგურაა ჩვენთვის, მაგრამ ფეხბურთში ყველაფერი ხდება და თანაც ძალიან სწრაფად. დღეს აქ ხარ, ხვალ იქ."



კროოსმა ხელთათმანები გაიხადა და ისროლა, მას შემდეგ რაც ის კლაუდიო პიზაროთი შეანაცვლეს მესამოცე წუთზე. მოიესი კი კროოსის აგენტთან შენიშნეს გასულ პარასკევს, ის კარგად აკვირდებოდა გერმანელს. ამასთანავე ნახევარმცველმა განაცხადა, რომ მომავალში კონტრაქტის განახლებას არ აპირებს და მისი მომავალი ჯერ კიდევ ბურუსითაა მოცული.

სათამაშო დროის უქონლობის გარდა ჟურნალისტები კროოსის უკმაყოფილების მიზეზად თანხის ფაქტორსაც ასახელებენ. როგორც სჩანს, კროოს ხელფასის გაზრდა სურს, თუმცა "ბაიერნი" უარზეა. კროოს კი ბოლომდე სჯერა, რომ მას მოხოვნილი თანხა ეკუთვნის.

ეს ყველაფერი მეტყველებს იმაზე, რომ კროოსი კლუბს დატოვებს, "იუნაიტედის" ნახევარდაცვას კი ახალი ტრანსფერის მიუხედავად კიდევ სჭირდება გაძლიერება. "Sportsmail"-ის განცხადებით, მოიესი თავისი ასისტენტებით შეხვდა კროოსის აგენტს საშა ბრისს, რომელთან ერთადაც აკვირდებოდნენ თამაშს.



ყველა ფაქტორი "იუნაიტედის" სასარგებლოდ მეტყველებს, თუმცა ცოტა ხნის წინ მოიესმა განაცხადა, რომ უფრო მნიშვნელოვან ტრანსფერსაც განახორციელებდა და ამასთანავე ცოტა ხნის წინ აცხადებდა, რომ მის ინტერესებში ტონი კროოსიც შედიოდა.

რას იზამს "იუნაიტედი" და შეიძენს თუ არა მოიესი კიდევ ერთ მნიშვნელოვან ფიგურას ამას 1 დღესა და 6 საათში ვნახავთ.


DailyMail.co.uk