რეი უილკინსი £825,000

რეი უილკინსი "მანჩესტერ იუნაიტედმა" ლონდონის "ჩელსიდან" შეიძინა 1979 წლის აგვისტოში. ინგლისელი "ეშმაკების" რიგებში 5 სეზონის განმავლობაში ასპარეზობდა. მის ანგარიშზე 194 მატჩი და 10 გოლია

გარი ბერტლზი £1.25 მილიონი

გარი ბერტლზის ტრანსფერი 1980 წლის აგვისტოში შედგა. ის "მანჩესტერ იუნაიტედმა" "ნოტინგემ ფორესტიდან" £1.25 მილიონად შეიძინა. ბერტლზმა კლუბში 2 სეზონი გაატარა და 66 მატჩში 10 გოლი გაიტანა.

ბრაიან რობსონი £1.25 მილიონი

ბრაიან რობსონი "მანჩესტერ იუნაიტედმა" 1981 წლის ოქტომბერში "ვესტ ბრომვიჩიდან" £1.25 მილიონად შეიძინა. ლეგენდარულმა ფეხბურთელმა კლუბში 461 მატჩი ჩაატარა და 91 გოლის გატანა შეძლო. რობსონის დებიუტი "ტოტენჰემთან" მატჩში შედგა, 1981 წლის 7 ოქტომბერს.

მარკ ჰიუზი £1.5 მილიონი

მარკ ჰიუზის ტრანსფერი 1988 წლის ივნისში განხორციელდა. "მანჩესტერ იუნაიტედს" ის "ბარსელონადან" შეუერთდა. ჰიუზმა "იუნაიტედში" 10 სეზონი გაატარა. მის ანგარიშზე 467 მატჩი და 163 გოლი. ლეგენდის დებიუტი 1988 წლის 26 ოქტომბერს შედგა, როცა ის 20 წლის იყო.

გარი პალისტერი £2.3 მილიონი

გარი პალისტერი "მანჩესტერ იუნაიტედს" 1989 წლის აგვისტოში "მიდელსბროდან" შეუერთდა. ინგლისელმა კლუბში 9 სეზონი გაატარა. მის ანგარიშზე 437 მატჩი და 15 გოლია. მისი დებიუტი 1989 წლის 30 აგვისტოს, "ნორვიჩთან" მატჩში შედგა.

როი კინი £3.75 მილიონი

"იუნაიტედის" ლეგენდარული კაპიტნის, როი კინის ტრანსფერი 1993 წლის ივლისში შედგა. ის სერ ალექს ფერგიუსონმა "ნოტინგემ ფორესტიდან" შეიძინა. როიმ ოქროს ასოებით ჩაწერა მისი სახელი "იუნაიტედის" ისტორიაში. მისი დებიუტი 1993 წლის 7 აგვისტოს, "არსენალთან" მატჩში. კინმა კლუბში 480 მატჩი ჩაატარა და 51 გოლის გატანა შეძლო.

ენდი კოული £7 მილიონი

ენდი კოულის ტრანსფერი 1995 წლის იანვარში განხორციელდა. "მანჩესტერ იუნაიტედმა" ინგლისელი "ნიუკასლიდან შეიძინა. კოულმა კლუბში 8 სეზონი გაატარა. მის ანგარიშზე 275 მატჩი და 121 გოლია.

იაპ სტამი £10.75 მილიონი

ჰოლანდიელი მცველი "მანჩესტერ იუნაიტედს" 1998 წლის ივლისში "პსვ"–დან შეუერდა. სტამი "ეშმაკების" რიგებში 4 სეზონის განმავლობაში ირიცხებოდა. მან 127 მატჩი ჩაატარა და 1 გოლის გატანა შეძლო.

დუაიტ იორკი £12.6 მილიონი

იორკის ტრანსფერი 1998 წლის აგვისტოში განხორციელდა. ის "იუნაიტედმა" ასტონ ვილადან შეიძინა. მან კლუბში 4 სეზონი გაატარა და 66 გოლიც გატანა შეძლო. იორკის ანგარიშზე 152 მატჩია. ინგლისელის დებიუტი 1998 წლის 22 აგვისტოს, "ვესტ ჰემთან" მატჩში შედგა.

რუდ ვან ნისტელროი £19 მილიონი

ლეგენდარული ჰოლანდიელი გოლეადორი, რუდ ვან ნისტელროი "მანჩესტერ იუნაიტედს" 2001 წლის ივლისში "პსვ"–დან შეუერდა. მისი დებიუტი 2001 წლის 12 აგვისტოს შედგა, "ლივერპულთან" მატჩში, სადაც ჰოლანდლიემა თავი გამოიჩინა და 51–ე წუთზე შეძლო მისი პირველი გოლის გატანა "იუნაიტედის" მაისურით. ჰოლანდლიემა კლუბში 5 სეზონი ითამაშა. მის ანგარიშზე 219 მატჩი და 150 გოლია.

ხუან სებასტიან ვერონი £28 მილიონი

ვერონი "იუნაიტედს" 2001 წლის ივლისში, იტალური "ლაციოდან" შეურთდა. არგენტინელი "წითლების" მაისურით 2 სეზონის განმავლობაში ასპარეზობდა. მის ანგარიშზე 82 მატჩი და 11 გოლია.

რიო ფერდინანდი £29 მილიონი

ფერდინანდი "მანჩესტერ იუნაიტედს" "ლიდსიდან" შეუერთდა 2002 წლის ზაფხულში. ამ ტრანსფერის შემდეგ ის ყველაზე ძვირადღირებული მცველი გახდა. ფერდინანდი კლუბში უკვე 12 სეზონია ასპარეზობს. მის ანგარიშზე 445 ჩატარებული მატჩი და 8 გოლია.

დიმიტარ ბერბატოვი £30 მილიონი

ბულგარელი ფორვარდი "იუნაიტედს" 2008 წლის აგვისტოში შეუერთდა ლონდონური "ტოტენჰემიდან". ბერბატოვმა კლუბში 4 სეზონი გაატარა. მის ანგარიშზე 149 მატჩი და 57 გოლია.

ხუან მატა £37,1 მილიონი

ესპანელი ნახევარმცველი "იუნაიტედს" 2014 წლის იანვარში შუერთდა ლონდონის "ჩელსიდან". ის გახდა ყველაზე ძვირადღირებული შენაძენი კლუბის ისტორიაში.