ხუან მატას ტრანსფერთან დაკავშირებით, ძალიან საინტერესო სტატია გამოაქვეყნა ხორვატიულმა ვებგვერდმა 24Sata.hr-მ.

2010 წელს, ჯერ კიდევ მაშინ, როდესაც მატა "ვალენსიას" ფეხბურთელი იყო, ესპანელი იმყოფებოდა ხორვატიაში, სადაც მან მონაწილეობა მიიღო ხორვატიის ახალგაზრდულ ნაკრებთან გამართულ მატჩში.

თამაშის შემდეგ მასთან ინტერვიუ ჩაწერა ხორვატმა ჟურნალისტმა ანტონიო ბევანდამ, საქმე იმაში გახლავთ, რომ ჟურნალისტის ყურადღება მიიპყრო ერთმა საინტერესო მომენტმა.

"ერთი საინტერესო ამბავი მახსოვს ესპანელთან დაკავშირებით. ეს მოხდა 2010 წლის 12 ოქტომბერს. ახალგზრდა ესპანელი იმყოფებოდა ვარძინში, სადაც მისი ნაკრები ხორვატიასთან ანგარიშით 3-0 დასრულდა.

იქ იმყოფებოდა ესპანელი ჟურნალისტი, რომელსაც სურდა მატასთან და ბოიან კრკიჩთან ჩაეწერა ინტერვიუ მომავალ მატჩთან დაკავშირებით (რამდენიმე დღის შემდეგ "ბარსელონა" ნოუ კამპზე მასპინძლობდა "ვალენსიას"). როცა ხუანი გასახდელი ოთახიდან გამოვიდა, ჟურნალისტმა მას წითელი მაისური მიაწოდა, რომელიც მატამ დედამისს გადასცა ჩანთაში ჩასადებად.

ვიფიქრე, რომ ეს იყო "მანჩესტერ იუნაიტედის" მაისური, ერიკ კანტონას წარწერით. ძალიან მინდოდა გამერკვია ეს სიმართლე იყო თუ არა.

"მე ვნახე მაისური რომელიც ჩანთაში ჩადე. ეს "მანჩესტერ იუნაიტედის" მაისურია?" - ვკითხე ესპანელს.

მატამ გაიცინა და მიპასუხა: "დიახ, ეს "იუნაიტედის" მაისურია. მე მათი დიდი გულშემატკივარი ვარ."

შემდეგ კი იმ დროისთვის ერთ-ერთმა საუკეთესო ახალგაზრდა ფეხბურელმა დაამატა: "მე იმედი მაქვს, რომ ოდესმე "ოლდ ტრაფორდზე" ვითამაშებ."

ამ სიტყვებით მე მივხვდი, თუ როგორ უყვარდა მას "იუნაიტედი" და როგორ სურდა "წითელ ეშმაკებს" შეერთებოდა."