"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ ხუან მატას ყიდვის შემდეგ კლუბი აღარ შეიძენს ახალ ფეხბურთელებს ამ ზამთრის ტრანსფერებზე.

გუშინ საბოლოოდ დადასტურდა ყველა საბუთი, "იუნაიტედმა" მატა კლუბის ახალწვეულის რანგში წარუდგინა მედიას. იმისდა მიუხედავად, რომ "ეშმაკუნებმა" მხოლოდ მატა შეიძინეს, ამ რთულ პერიოდში დევიდ მოიესი არ აპირებს ზამთარში კიდევ ვინმეს დამატებას.

"ვფიქრობ, რომ იანვარში აღარავის შევიძენთ. ჩვენ ზუსატდ ვიცით ის, თუ რა გვსურს. თუ ბოლო კვირაში რამე შეიცვლება, რაც იშვიათად ხდება, ჩვენ ჩვენსას შევეცდებით." - განაცხადა დევიდ მოიესმა კლუბის ოფიციალურ საიტთან.

წყარო:http://fapl.ru