ხუან მატას 37 მილიონიანმა ტრანსფერმა შესაძლოა "ეშმაკუნების" ბანაკში ჯაჭვური რეაქცია გამოიწვიოს. მოგეხსენებათ, რომ ეს დღეებია საუბრები არ წყდება ამ შესაძლო ტრანსფერთად დაკავშირებით. მეტიც, 99% ით უკვე "წითელი ეშმაკია".

რაც ყველასთვის თვალსაჩინოა, გუნდში მატას მოსვლა საგრძნობლად შეამცირებს კაგავასთვის შემადგენლობაში მოხვედრის შანსებს. როგორც ჩანს, დევიდ მოიესის გეგმებში არ შედის კაგავა, და მთავარ "დამრტყმელ" ძალად რუნის, მატას და რობინ ვან პერსის ხედავს.

ასევე ადნან იანუზაი, რომელიც ნელ-ნელა ადგილს იმკვიდრეს ძირითად შემადგენლობაში, თამაშის შანსებს უმცირებს იაპონელს. ერთი მხრივ ეს გუნდისთვის შესაძლოა ძალიან მომგებიანიც კი აღმოჩნდეს, რადგან მოიესს შეუძლია როისის და გიუნდოგანის ტრანსფერში ყოფილი დორტმუნდელი თამამად ჩართოს. მითუმეტეს მაშინ, როდესაც იურგენ კლოპი ახლაც გამოთქვამს სიმპათიებს მისი ყოფილი შეგირდის მიმართ, რომელმაც "ბორუსია" 2 წლის წინ დატოვა.

ამ სეზონში კაგავა მხოლოდ 7-ჯერ მოხვდა სასტარტო შემადგენლობაში. ხოლო საერთო ჯამში მან 18 მატჩში მიიღო მონაწილეობა და ვერცერთი მეტოქის კარის დალაშქვრა მოახერხა. ასე და ამგვარად, უკვე ნათელი ხდება თუ როგორ აპირებს მატას გამოყენებას დევიდ მოიესი. ერთი შეხედვითაც ჩანს, რომ გუნდში კაგავას ადგილი აღარ არის, როდესაც ყველანი მწყობრში იქნებიან.

მოსალოდნელია რომ მომავალ ზაფხულს "იუნაიტედი" კიდევ უფრო შეეცდება შემტევი ფეხბურთელების დამატებას. რაც თავის მხრივ გამორიცხავს კაგავას გუნდში დარჩენის აუცილებლობას. მოგახსენებთ რომ ამ დროისთვის "იუნაიტედის" რადარზე იმყოფებიან: ლორენცო ინსინიე (ნაპოლი), კარლოს მანე (სპორტინგი), მარკო როისი (დორტმუნდი), და პატრიკ ჰერმანი (მიუხენგლადბახი).

წყარო: MEN