“მანჩესტერ იუნაიტედის“ მენეჯერმა ჟოზე მოურინიოს კომენტარს უპასუხა, რომელიც მან პარასკევის პრესკონფერენციაზე გააკეთა.
ჟოზეს თქმით, უეინ რუნი მიმდინარე ზაფხულში კლუბს დატოვებდა და საზღვარგარეთ კლუბში გადაბარგდებოდა, რადგან „წითლებს“ მისი შენარჩუნების არანაირი შანსი აქვთ.
მოიესმა გაიცინა, როცა ჟურნალისტებმა საპასუხო კომენტარის გაკეთება სთხოვეს. შოტლანდიელის თქმით, რუნი მართლაც გეგმავს საზღვარგარეთ წასვლას.
“მოურინიოს საერთოდ არ ვეთანხმები. მხოლოდ ის შემიძლია გითხრათ, რომ არ ვეთანხმები. დიახ, ის მართლაც წავა ზაფხულში საზღვარგარეთ, ბრაზილიაში!“ - განაცხადა დევიდმა.
მოურინიომ უარყო, რომ „იუნაიტედი“ ინგლისელს „ჩელსის“ მიყიდის, რადგან „წითლებს“ ეს არ ჩვევიათ.
“ისინი („მანჩესტერ იუნაიტედი) არ ყიდის ფეხბურთელს მეტოქე ინგლისურ კლუბში და არც ყიდულობს. არ მგონია, რომ ეს ტრადიცია ამ ზაფხულში შეიცვალოს. მაგრამ მაინც ვფიქრობ, რომ ფეხბურთელს საზღვარგარეთ, ინგლისის გარეთ გაყიდიან.“ - განაცხადა მოურინიომ.

წყარო: manutd.com