დევიდ მოიესმა დაადასტურა, რომ უეინ რუნი დაუბრუნდა ვარჯიშს, თუმცა განაცხადა, რომ თავდამსხმელი არ იქნება მზად კვირას, "პრემიერ ლიგის" მატჩისთვის.

რუნიმ ტრავმა მიიღო ახალი წლის დღეს, "ტოტენჰემის" წინააღმდეგ და მას შემდეგ არ გამოსულა მოედანზე. ასევე გამოჯანმრთელების დაჩქარების მიზნით ის იმყოფებოდა ეგვიპტეში, სადაც ექიმის ზედამხედველობის ქვეშ იყო.

"აონის" სავარჯიშო კომპლექსში გამართულ პრეს-კონფერენციაზე მოიესმა განააცხადა, რომ 28 წლის ფეხბურთელის გამოჯანმრთელება სწრაფად მიმდინარეობს, თუმცა მისი დაბრუნების დრო უცნობია. "უეინი დაბრუნდა. ის კარგადაა, თუმცა მზადა არ არის "ჩელსისთვის".

"ის ვარჯიშობს მოედანზე და კარგადაც გამოიყურება. მას დასვენების საშუალება ჰქონდა, ამ პერიოდში საკმაოდ მოძლიერდა და ტრავმის მოშუშებას ახერხებს, ასევე ის მცირე პერიოდით უცხოეთში იყო დასასვენებლად. ის ჩვენ ძალიან დაგვეხმარება სეზონის განმავლობაში, თუმცა არა მომავალ მატჩში."

"მე არ მინდა დავასახელო მისი დაბრუნების თარიღი და მერე აღმოჩნდეს, რომ მზად არ არის. თუმცა ეს მალე მოხდება. მე დღეს ვუყურებდი მის სირბილს და ის კარგად გამოიყურება."

"ის თავის თავს კარგად უვლის და ამ დროის განმავლობაში ფიტნეს მწვრთნელთან მუშაობდა, რომელიც მასთან ერთად გაემგზავრა. სართო ჯამში, ჩვენ კმაყოფილები ვართ და ვეცდებით უეინი რაც შეიძლება მალე დაუბრუნდეს მოედანს. ის მნიშვნელოვანი ფეხბურთელია ჩვენთვის."

ბოსმა ასევე ისაუბრა რუნის პარტნიორზე, რობინ ვან პერსიზე, რომელიც 10 დეკემბრის შემდეგ გულშემატკივრებს არ უხილავთ.

"მე ვიმედოვნებ, რომ რობინი ვარჯიშს შემდეგი კვირიდან დაიწყებს. მისი მოედანზე დაბრუნება გუნდს ძალიან დაეხმარება."

"რობინი ნამდვილად მნიშვნელოვანი ფეხბურთელია და ძალიან გვაკლია. თუმცა ის ახლოსაა გამოჯანმრთელებასთან, ისევე როგორც დანარჩენი ფეხბურთელები. ამიტომ ვიმედოვნებ, რომ ისინი მალე დაუბრუნდებიან გუნდს."

დევიდ მოიესმა ისაუბრა ანდერსონზეც, რომელიც არენდის წესით "ფიორენტინას" შეუერთდა.

"ის "ფიორენტინაში" გავანათხოვრეთ." განაცხადა ბოსმა პრესკონფერენციაზე. "ჩვენ ვერ შევძელით მისთვის იმდენი სათამაშო დროის მოცემა, რამდენიც მას სურდა. ამიტომ ვფიქრობ ეს მისთვის კარგი შანსი იქნება."

"ის მიდის კარგი ჩემპიონატის კარგ გუნდში. ამიტომ იმედი მაქვს, რომ ის ამით ისარგებლებს."

25 წლის ნახევარმცველი "იუნაიტედმა" 2007 წელს შეიძინა "პორტოსგან". ამ პერიოდში მან "პრემიერ ლიგაში" მხოლოდ 104 მატჩი ჩაატარა, აქედან 70-ჯერ დაიწყო პირველივე წუთებიდან.

ასევე "მანჩესტერ იუნაიტედის" მენეჯრმა უარყო ჭორები იმის შესახებ, რომ მისი ევროპულ მატჩებზე დასწრების მიზეზი, რომელიმე ფეხბურთელზე დაკვირვება იყო.

"იუნაიტედის" მენეჯერი დააფიქსირეს საფრანგეთში და იტალიაში სხვადასხვა მატჩის მიმდინარეობისას, რის გამოც "იუნაიტედს" ბევრი ფეხბურთელი დაუკავშირეს. თუმცა მოიესმა განაცხადა, რომ მისი მოგზაურობის მიზეზი ტრანსფერები არ ყოფილა.

"მე უბრალოდ მომწონს ფეხბურთის ყურება"- დაამატა მან. "მე ძალიან მსიამოვნებს სხვადასხვა გუნდების მატჩების ყურება. ვცდილობ დავესწრო რაც შეიძლება მეტ მატჩს - ეს ჩემი სტილია."

"მე თამაშებს არ ვუყურებ მხოლოდ ფეხბურთელთა დასაკვირვებლად - ზოგჯერ ასეთ მატჩებზე ცოდნის შესაძენად დავდივარ. სწორედ ამ მიზეზით ვიმოგზაურე ბოლო დღეებში სხვადასხვა ქვეყანაში."

წყარო: manutd.com