დევიდ მოიესი აგრძელებს დაკვირვებას ფეხბურთელებზე. ის გუშინ პარი სენ-ჟერმენის და ბორდოს მატჩს დაესწრო, რომელიც საფრანგეთის თასის ეგიდით ჩატარდა. "იუნაიტედის" ბოსმა ვერ იხილა ზლატან იბრაჰიმოვიჩის მიერ გატანილი გოლი. შვედი აქტიური იყო, მაგრამ ბურთის გატანა ვერ მოახერხა. სამაგიეროდ თავი გამოიჩინეს ხავიერ პასტორემ, ადრიენ რაბიომ და ბლეის მატუიდიმ. პარიზელებმა 3-1 იმარჯვეს. დევიდ მოიესი სამხრეთ საფრანგეთში თავის მეორე დასაკვირვებელ მისიას აწარმოებდა ბოლო 48 საათის განვმალობაში. მანამდე ის "კალიარისა" და "იუვენტუსის" მატჩს დაესწრო იტალიაში, მაგრამ უცნობია, თუ ვის აკვირდებოდა შოტლანდიელი სპეციალისტი.







იტალიაში დევიდ მოიესი დიდი ალბათობით კლაუდიო მარკიზიოსა და დავიდე ასტორის აკვირდებოდა შემადგენლობის გაძლიერების მიზნით. გუშინდელ მატჩში პარიზელთა მთავარმა მწვრთნელმა, ლორან ბლანმა თამაში ცენტრალური მცველით, ალექსით დაიწყო. მან სათადარიგოთა სკამზე დასვა ეზეკილ ლავეცი და ედინსონ კავანი. თამაშის შესაძლებლობა ნიჭიერ ახალგაზრდას, ხავიერ პასტორეს მიეცა.









არგენტინელმა პასტორემ, რომელმაც თავი "პალერმოში" კარგად თამაშით დაგვამახსოვრა, ასევე წარმატებულად ასპარეზობს "პსჟ"-ში. გუშინდელ მატჩში მან პირველი ტაიმის ბოლოს შეძლო გოლის გატანა ლუკასის პასის შემდეგ. ადრიენ რაბიომ გოლი მატჩის 84-ე წუთზე გაიტანა და პარიზელები დააწინაურა. ბოლო გოლი კი ედინსონ კავანიმ შეაგდო.







ასევე, "ხეტაფეს" მატჩს ესწრებოდა ფილ ნევილი. "ხეტაფემ" სახლში "რაიო ვალეკანო" მიიღო. შესაძლოა ნევილი სტუმრების ნიჭიერ ახალგაზრდას, საულ ნიგეზს აკვირდებოდა.