"მანჩესტერ იუნაიტედი" გონზე მოეგო და მიხვდა, რომ ამ შემადგენლობით ვერ შეძლებენ წარმატების მიღწევას და იანვრის ტრანსფერებში აქტიურად ჩაერთვნენ. როგორც გაზეთები იტყობინებიან, დევიდ მოიესმა სკაუტები გაგზავნა დიეგო კოსტასა და ანდრეს ერერას დასაკვირვებლად.

იმას შემდეგ რაც "იუნაიტედი" "სუონსიმ" გამოაგდო "ინგლისის თასისგან" მოიესი მიხვდა, რომ ახალი ფეხბურთელები არა მხოლოდ გუნდის გასაძლიერებლადაა საჭირო, არამედ მათ სასიცოცხლო მნიშვნელობა აქვთ და გადაუდებელია მათი შეძენა.

წითლების ბოსი ტრამვების და სხვადასხვა პრობლემების გადამკიდე ეძებს მარცხენა მცველს, ნახევარმცველს და ფორვარდს.



ჭორები დიეგო კოსტას შესახებ მომრავლდა, მას შემდეგ, რაც "მანჩესტერ იუნაიტედის" სკაუტი რობი კუკი 90 წუთის განმავლობაში ესწრებოდა "ატლეტიკო მადრიდისა" და "მალაგას" მატჩს, რომელიც "ატლეტიკოს" გამარჯვებით დასრულდა. რობი დაკვრივებული თვალით უყურებდა კოსტას.

ამ თამაშში გოლი სოწრედ კოკემ გაიტანა, რომელსაც "იუანიტედს" უკავშირებდნენ, მაგრამ საბოლოოდ აღმოჩნდა, რომ მისი შეძენა იანვარში შეუძლებელია.

კუკი "ატლეტიკოს" ფეხბურთელების გარდა, "ბილბაოს" ანდრეს ერერასაც დააკვირდა.



კოსტას შეძენა ისეთი მარტივი არ იქნება, როგორიც ყველას გონია. ზაფხულში მისთვის "ლივერპული" იბრძოდა, ხოლო დღეს "იუნაიტედის" გარდა "ჩელსი" და "არსენალი" არიან დაინტერესებულნი. კოსტამ 18 თამაშში 19 გოლის გატანა მოახერხა და ძალიან ეხმარება გუნდს "ლა ლიგისთვის" ბრძოლაში. კოსტამ მოაწერა ხელი ახალ კონტრაქტზე, მისი გამოსყიდვის თანხა კი £31.5 მილიონს შეადგენს.

თუ "იუნაიტედს" ტიტულის მოგება კიდევ სურს, აუცილებელია, რომ შეიძინოს კოსტას დონის ფეხბურთელი იანვარშივე, თუმცა ეს არც ისე მარტივია.

ერერას შეძენა "იუნაიტედს" ჯერ კიდევ ზაფხულში სურდა, მაგრამ უშედეგოდ. "იუნატედმა" 21 წლის ნახევარმცველის კონტრაქტის გამოსასყიდად £30 მილიონი ვერ გაიმეტა. ერერას კონტრაქტი ორ წელიწადნახევარში ეწურება.



კლუბის ხელმძღვანელობა მომდევნო 25 დღის მანძილზე მოიესს მაქსიმალური დახმარება უნდა გაუწიოს და მათ არ უნდა გაიმეორონ ის რაც მოხდა საზაფხულო ტრანსფერების დროს. მოიესმა იცის, რომ იმ დონის ფეხბურთელების შეძენა რაც მას სჭირდება არ იქნება მარტივი, მაგრამ ის ვალდებულია გააკეთოს ეს, თუ კიდე სურს კლუბის გადარჩენა.