ყველაზე მეტად მათ სჭირდებათ - კრეატიული ნახევარმცველი, ჩამშლელი ნახევარმცველი და მარჯვენა მცველი, თუმცა უკანასკნელი სეზონის ბოლომდე მოიცდის. 27 მილიონად ნაყიდმა მარუან ფელაინიმ ვერაფრით გააკვირვა "ოლდ ტრაფორდის" პუბლიკა და "პრემიერ ლიგის" 16 ტური დასჭირდა იმას, რომ "იუნაიტედის" რომელიმე ნახევარმცველს გოლი გაეტანა ან ასისტი გაეკეთებინა. როგორც მოიესმა განაცხადა, მის გუნდს ჯერ კიდევ დიდი ამბიციები აქვს და ამისთვის საჭიროა მათ საკმაო რაოდენობის თანხა დახარჯონ ფეხბურთელების ყიდვაში.




ნაკლებს ვიდე სჭრიდებათ. ეს სატრანსფერო ფანჯარა ძალიან მნიშვნელოვანი იქნება გუნდისთვის, მას შემდეგ რაც მათ ვერ გამოიყენეს საზაფხულო პერიოდი კარგი ტრანსფერისთვის. თუ ისინი ვერ გაძლიერდებიან და დარჩებიან ოთხეულის მიღმა ძალიან რთული იქნება ზაფხულში რომელიმე ვარსკვლავის მოზიდვა. უესლი სნეიდერის ტრანსფერი ვერ იქნება ისეთი შედეგიანი, როგორიც ეს შესაძლოა სამი წლის წინ ყოფილიყო, თუმცა 29 წლის ნახევარმცველს ჯერ კიდევ შეუძლია გააძლიეროს გუნდი და კრეატიულობა შემატოს "იუნაიტედის" ცენტრს. ასევე მოიესმა თავი უნდა დაანებოს ლეიტონ ბეინსს და შეეცადოს ახალგაზრდა ლუკ შოუს ყიდვა, მეორე ვარიანტი კი ფაბიო კოენტრაოს არენდით აყვანაა.




"მე მყავს კარგი გუნდი. შემიძლია მისი გაძლიერება? რა თქმა უნდა შემიძლია. ვაპირებ ამის გაკეთებას? დიახ. ეჭვგარეშეა, რომ ჩვენ ბევრს ვიმუშავებთ ამაზე, თუმცა მოვახერხებთ თუ არა რაიმე სერიოზულ ტრანსფერს იანვარში, არ ვიცი." - მოიესი, 13 დეკემბერი.




დევიდ მოიესმა აუცილებლად უნდა შეიძინოს ნახევარცველი, შესაძლოა ორიც, არ არის გამორიცხული ფორვარდის ყიდვაც. მათ სჭირდებათ ახალი ფეხბურთელები და ამასთან დაკავშირებით არანირი ეჭვი არ არსებობს. ბოლო დროს, მათ მოახერხეს რამდენიმე კარგი შედეგის ჩვენება ("ტოტენჰემთან" მატჩამდე) . თუმცა ეს არ ნიშნავს, რომ სიტუაცია გამოსწორდა. გუნდს აუცილებლად სჭირდება კარგი ტრანსფერები.

წყარო: SkySports