დევიდ მოიესს მტკიცედ აქვს გადაწყვეტილი "FA Cup"-ის მოგება და განაცხადა, რომ ეს ჩემპიონატი "იუნაიტედში" ყველასთვის მნიშვნელოვანია.

ბოლო დროს ამ თასის პრიორიტეტი დაეცა, ამ საკითხთან დაკავშირებით "ასტონ ვილას" მწვრთნელმა, პოლ ლამბერტმა განაცხადა, რომ ცხრილის სათავეში მყოფი გუნდები ამ გათამაშებას ხელის შემშლელად თვლიან და მათი ყურადღება მხოლოდ "პრემიერ ლიგაზე" არის გადართული.

მიუხედავად ამისა, შოტლანდიელი მწვრთნელი ძალიან დიდი მნიშვნელობას ანიჭებს "ინგლისის თასს" და განაცხადა, რომ მთელი ძალებით შეეცდება მის მოპოვებას.

"ეს თასი მნიშვნელოვანია ჩემთვის და ეს ყოველთვის ასე იყო" - განუცხადა ბოსმა ჟურნალისტებს. "დარწმუნებული ვარ "ინგლისის ასოციაციის თასი" პრიორიტეტულია ყველა გუნდისთვის. რაც უფრო შორს მიდიხარ ამ ტურნირში, მას მნიშვნელობა ემატება. ბევრი "პრემიერ ლიგის" გუნდისთვის ეს მხოლოდ დასაწყისია. ამ პერიოდში გუნდები ბევრ მატჩს ატარებენ ჩემპიონატში, ამიტომ ძალიან გადატვირთულები არიან."

შეგახსენებთ, რომ "იუნაიტედს" ეს თასი 10 წელია არ მოუგია და 2004 წლის შემდეგ ისინი მხოლოდ ორჯერ გავიდნენ ფინალში. როცა მოიესს ჰკითხეს უკმაყოფილო იყო თუ არა მისი გუნდი ამ შედეგით, მან უპასუხა: "დარწმუნებული ვარ ეს მათ არ მოსწონთ. ეს "მანჩესტერ იუნაიტედია", გუნდი რომელსაც შეუძლია ყველა ჩემპიონატში ბრძოლა. 10 წელი "FA Cup"-ის გარეშე ნამდვილად მოულოდნელი შედეგია ესეთი დონის გუნდისთვის."

"მაქსიმალურად შევეცდებით ამ თასის მოგებას, ისევე როგორც ყველა ჩემპიონატის, რომელშიც ვმონაწილეობთ. ჩვენ ყველაფერს ვიზამთ, რათა ეს 10 წლიანი წარუმატებელი სერია დავასრულოთ."

წყარო: ManUtd.com