3-01-2014, 13:38

ავტორი: RedGirl,

ნანახია: 2573,

კომენტარები: 11

წითლებსა და ლურჯებს შორის "დიდი ბრძოლაა"

სატრანსფერო ციებ-ცხელება. გახდებიან თუ არა ლურჯი არისტოკრატები წითელი ეშმაკუნები და პირიქით.

უკვე უამრავი ჭორი გავრცელდა მატას შესახებ და მისი მომავალი ბურუსითაა მოცული. დევიდ მოიესი დროს არ კარგავს და იანვრის ტრანსფერებზე ესპანელი გამთამაშებლის შეძენას შეეცდება.

მოურინიოს მოსვლის შემდეგ მატამ ადგილი დაკარგა ძირითადში, მიუხედავად იმისა, რომ ის ორი სეზონის მანძილზე ჩელსის წლის საუკეთესო ფეხბურთელად სახელდებოდა.

წითლებსა და ლურჯებს შორის "დიდი ბრძოლაა"

მატა-ჩელსის წლის საუკეთესო ფეხბურთელი.

25 წლის ესპანელი ძალიან ნაწყენი და გაბრაზებული იყო, რადგან ის ვერ მოხვდა ძირითადში ახალი წლის დღეს "საუთჰემპტონის" წინააღმდეგ გამართულ მატჩში. მან მოურინიოს მიანიშნა კიდეც, რომ თუ ასე გაგრძელდებოდა ის დატოვებდა კლუბს.

"ჟოზე, მატა სკამს კი არა მოედანს ეკუთვნის!"

"მე მინდა მისი შენარჩუნება. მე ეს მართლა მსურს. არ მინდა, რომ ის წავიდეს. ეს ჩემი აზრი და ჩემი სურვილია. მაგრამ ჩემი კარი ღიაა და კლუბისაც ასევე. როდესაც ფეხბურთელს სურს ჩვენთან საუბარი ჩვენ ყოველთვის ადგილზე ვართ და ველით მას."-განაცხადა მოურინიომ.

მოიესისგან კიდევ უფრო მეტად მოითხოვენ ბევრი ფულის დახარჯვას და კლუბის დონის ფეხბურთელის შეძენას, რადგან "წითელ არმიას" კიდევ ჰქონდეს იმედი ტიტულის მოგებისა. მოიესიც ბევრს ფიქრობს ამაზე და ერთ-ერთი სამიზნე "ევერტონის" ვუნდერკინდი როს ბარკლი გახლავთ. მაგრამ მასთან ერთად შესაძლო ვარიანტებად მოიხსენიებენ: მარკუ როისს, კოკეს, ანდრეს ერერას.

გადმოიბირებს მოიესი კიდევ ერთ ფეხბურთელს ყოფილი გუნდიდან?

ოთხშაბათს "ტოტენჰემთან" წაგებული მატჩის შემდეგ, ამჟამინდელ ლიდერებს "მანჩესტერი" 11 ქულით ჩამორჩება და მათ ოთხეულში მოხვედრას უფრო დიდ ეჭვქვეშ აყენებს.

მოიესს უკვე დაწყობილი აქვს გეგმები თუ როგორ უნდა გააძლიეროს გუნდი, მაგრამ იმასაც აღნიშნავს, რომ ფულის უმეტესობა არა ამ ზამთარს არამედ ზაფხულში დაიხარჯება. იგი ფიქრობს, რომ "იუნაიტედის" სამიზნეები ზამთარში ხელმისაწვდომი არ იქნებიან, კლუბები არ გამოუშვებენ მათ, სწორედ ამიტომაც მატა ყველაზე რეალური ვარიანტია. მოიესმა ასევე განაცხადა, რომ ნახევარდაცვის გაძლიერება კრეტიული ფეხბურთელით სურს.

წითლებსა და ლურჯებს შორის დიდი "ბრძოლა" მიმდინარეობს. გასულ ზაფხულს მოურინიო წითლების ლიდერის უეინ რუნის გადაბირებისთვის იბრძოდა, ხოლო ახლა მოიესის სამიზნე "არისტოკრატების" მატა და დევიდ ლუიზი გახლავთ. თუმცა თუ დევიდ მოიესს მატა სურს მან ცოტა ჭკვიანურად და სწრაფად უნდა იმოქმედოს, რადგან ესპანელისთვის ინგლისური კლუბების გარდა "ინტერი", "მილანი" და "პსჟ" იბრძვიან. თანხაც პატარა არ იქნება, რადგან თავად ჩელსის ის 2011 წელს £23.5 მილიონი დაუჯდა.

ალბათ ჩელსი მოლაპარაკებებზე წავა და მატას სანაცვლოდ ჩიჩარიტოსაც მოითხოვს, რადგან ლურჯებს თავდასხმის ხაზში აქვთ პრობლემა.