რობინ ვან პერსიმ არაჩვეულებრივად ითამაშა თავისი ყოფილი გუნდის წინააღმდეგ და მეტჩისშემდგომ ინტერვიუში თქვა, რომ მან და რუნიმ ითამაშეს, როგორც "ცხრანახევარი", ანუ გასაგებათ რომ ვთქვათ, გაინაწილეს ცენტრალური თავდამსხმელის და ფლეიმეიქერის მოვალეობა ერთმანეთში. ვფიქრობ, რომ რობინმა უბრალოდ პატივისცემა გამოიჩინა. სინამდვილეში კი, ოლდ ტრაფორდზე მე რობინ ვან პერსი დავინახე, რომელმაც მთელ ცხრა ქულაზე შეასრულა საკუთარი მოვალეობა. პირველი რამოდენიმე კვირა პერსის ადაპტაციისათვის დასჭირდა. რა თქმა უნდა, მან თავიდანვე გვაჩვენა თუ რა შეუძლია მოედანზე, მაგრამ იმავე დროს კარგად ჩანდა, რომ იგი ეგუებოდა ახალ გუნდს. მაგრამ ეს კვირა ნამდვილად საოცარი აღმოჩნდა ჰოლანდიელისთვის. გუნდმა ორი დიდი თამაში ჩაატარა, სადაც ორივეში გამარჯვებული გამოვიდა და ამ გამარჯვებას გუნდი რობინს უნდა უმადლოდეს. მოპოვებული 6 ქულა მის მიერ გატანილ გოლების ხარჯზე შესაძლოა გადამწყვეტი აღმოჩნდეს სეზონის ბოლოს.



მე თუ მკითხავთ ოლდ ტრაფორდზე ძალიან დიდ წარმატებას უნდა ველოდებოდეთ წელს. ყველაფერი რასაც ვან პერსი აკეთებს, რაღაცას ნიშნავს. იგი ჰაერზე არაფერს არ აკეთებს. გასულ კვირაში ჩელსის წინააღმდეგ რობინმა გუნდის ყველა შეტევაში მიიღო მონაწილეობა. შეხვედრაში, რომელშიც გუნდს არანაირი უფლება არ ჰქონდა ქულის დასაკარგავათ, წინააღმდეგ შემთხვევაში ქულათა სხვაობა საგრძნობლად გაიზრდებოდა. უნდა ავღნიშნოთ, რომ რობინმა არაჩვეულებრივი მატჩი ჩაატარა და გამოიყენა ყველა მომენტი რომელიც მას ჰქონდა.

ამის გარდა ჩანს, რომ იუნაიტედის ფეხბურთელები შეეჩვიენ ჰოლანდიელს. ისინი უკეთ უგებენ მას, ისწავლეს მისი თამაშის სტილი და ცდილობენ ყველანაირად შეუწყონ მას ხელი გოლის გატანაში. ამასთან ერთად იგი არაჩვეულებრივად თამაშობს დაცვაში რუნისთან ერთად. თუმცა ეს თვისება იუნაიტედის ყველა თავდამსხმელს ახასიათებდა. პერსის თამაშიდან გამომდინარე, ჩანს რომ იგი მიხვდა თუ როგორი უნდა იყოს მანჩესტერის ნამდვილი თავდამსხმელი. როდესაც იგი გუნდმა 24 მილიონათ შეიძინა, ფერგიუსონმა გამონაკლისი დაუშვა, ვინაიდან პერსი 29 წლის იყო. თუმცა გულშემატკივრებმა იცოდნენ მისი შესაძლებლობები, რადგან არაერთხელ უნახავთ მისი თამაში არსენალის შემადგენლობაში.

ვან პერსიმ ბრწყინვალედ ითამაშა ბოლო ორ შეხვედრაში და თუ ის ანალოგიურად ითამაშებს მანჩესტერულ დერბიში ერთი თვის შემდეგ, მაშინ გუნდის ყოველ გულშემატკივარს ეცოდინება, რომ იგი უნიკალური ფეხბურთელია. მათი დამოკიდებულება ჰოლანდიელის მიმართ საგრძნობლად იცვლება. ერიკ კანტონა იუნაიტედში უკვე გამოცდილ ფეხბურთელად მოვიდა, მაგრამ მე ვფიქრობ, რომ რობინი შეძლებს მისი რეკორდის მოხსნას (82 გოლი) და უფრო მეტს გაიტანს. 10 გოლი 13 შეხვედრაში არაჩვეულებრივი შედეგია, მაგრამ ეს ჯერ დასაწყისია. არსენალი დიდი გუნდია და მგონია, რომ რობინს ლონდონი ფულის გამო არ დაუტოვებია, არამედ იმის გამო რომ მას უნდა ფეხბურთის ლეგენდა გახდეს. ისეთ გუნდებში, როგორებიც არი იუნაიტედი, რეალ მადრიდი და ბარსელონა ამის შესაძლებლობა ყოველთვის გაქვს.


თუ რობინ ვან პერსი გააგრძელებს ასეთ თამაშს, დარწმუნებული ვარ რომ იგი მოიპოვებს ლეგენდის სტატუს.