იანვრის სატრანსფერო ფანჯარი რამდენიმე დღეში გაიხსნება. მთელი მსოფლიოს მასშტაბით უამრავი ადამიანი ელოდება, თუ ვის იყიდიან ცნობილი კლუბები. დეილიმეილმა 5 უცხოელი ფეხბურთელი გამოარჩია, ვის მიმართ ინტერესს პრემიერ ლიგის კლუბები ინტერესდებიან. ხუთიდან ოთხით "იუნაიტედიც" ინტერესდება. სწორედ მათ წარმოგიდგენთ სტატიაში:



ძალიან ცოტამ იცოდა ბრაზილიელი ფეხბურთელის შესახებ, როდესაც ლივერპულმა ზაფხულში შეთავაზება გაუკეთა "ატლეტიკოს". მერსისაიდელები მადრიდელებს 25 მილიონ ევროს სთავაზობდნენ, მაგრამ კოსტამ გაახანგრძლივა "ატლეტიკოსთან" კონტრაქტი და ამ სეზონში 20 მატჩში 23 გოლის გატანა შეძლო. 25 წლის დიეგოთი არამხოლოდ ბრიტანული კლუბები, "ჩელსი", "არსენალი" და "იუნაიტედი" დაინტერესდნენ, არამედ ესპანეთის ნაკრების მწვრთნელიც, ვისენტე დელ ბოსკეც. კოსტამ ესპანეთის მოქალაქეობა მიიღო და ნაკრებშიც გამოიძახეს. "არსენალი" ალბათ ყველაზე მეტად იაქტიურებს კოსტას ტრანსფერზე- ისინი 32 მილიონი ევროს გადახდას აპირებენ ფორვარდში.











"ატლეტიკოს" ფანები ალბათ შეშინდებიან, როდესაც გაიგებენ, რომ მათი გუნდის მეორე ფეხბურთელითაც ინტერესდებიან ინგლისური გრანდები. დიეგო სიმეონეს გუნდი წელს შესანიშნავ შედეგს აჩვენებს- ისინი მეორე ადგილზე არიან, 5 ქულით ასწრებენ "რეალს". ამაში დიდი წვლილი სწორედ კოკეს მიუძღვის. "იუნაიტედის" მთავარი მწვრთნელი, დევიდ მოიესი ყველაზე მეტად არის დაინტერესებული ესპანელით. ის აპირებს 30 მილიონი ევროს გადახდას ნახევარმცველში. იმის გათვალისწინებით, რომ შოტლანდიელი აპირებს პრემიერ ლიგის მოგებას, სურს დაიმატობს კიდევ ერთი კრეატიული ნახევარმცველი. მაგრამ "ბაიერნის" მენეჯერი, პეპ გვარდიოლაც დაინტერესებულია კოკეთი, ისევე როგორც "არსენალი" და ლივერპული.








მეორე ნახევარმცველი, რომლის გადაბირებას "იუნაიტედი" ეცდება არის "ინტერის" ფეხბურთელი ფრედი გუარინი. მაგრამ კოლუმბიელის გადაბირება საკმაოდ რთული იქნება. "ჩელსი" ასევე ცდილობს ფრედის დარწმუნებას "სტენფორდ ბრიჯზე" გადასასვლელად. რაც შეეხება "ინტერს", ნერაძურის ხელმძღვანელობა აწარმოებს მოლაპარაკებებს გუარინისთან, რათა შეინარჩუნონ ის. ლონდონური კლუბი "ინტერს" 13 მილიონ ევროს სთავაზობს.











იმის გათვალისწინებით, რომ "ინტერის" რამდენიმე ფეხბურთელს უმთავრდება კონტრაქტი, პრემიერ ლიგის კლუბები ეცდებიან მეორე მილანელის, ანდრეა რანოკიას ყიდვას. 25 წლის ფეხბურთელმა თქვა, რომ სურს დარჩენა, მაგრამ მოთამაშისთვის, ვისაც მსოფლიოს ჩემპიონატზე სურს თამაში, არ იქნება ცუდი "ჩელსიში", "არსენალში", "ტოტენჰემში" ან "იუნაიტედში" გადასვლა. დევიდ ლუისის მომავალი "არისტოკრატებში" ჯერ გაურკვეველია, 33 წლის ჯონ ტერის კონტრაქტი უსრულდება, ამიტომ ლურჯები სერიოზულად მოეკიდებიან რანოკიას ტრანსფერს.