"იუნაიტედის" ნახევარმცველმა, მარუან ფელაინიმ გაიკეთა მაჯის ოპერაცია, რის გამოც ვერ შეძლებს მოედანზე გასვლას ორი თვის მანძილზე. მან წინა უიქენდზე ჩაიტარა სარეაბილიტაციო სამუშაოები მაჯის მყესის დაზიანებულ ნაწილზე. მანჩესტერმა ის ზაფხულში 27.5 მილიონ ფუნტად შეიძინა. მარუანმა ხელი რამდენიმე კვირის წინ დაიზიანა, მაგრამ მაინც თამაშობდა, რადგან გუნდს აკლდა რამდენიმე ფეხბურთელი.








ასე რომ, "იუნაიტედს" შეუძლია ფელაინის ორი თვით დროებით დაემშვიდობოს. სამაგიეროდ, დევიდ მოიესის განცხადების თანახმად გუნდს მალე დაუბრუნდება ტრავმირებული მაიკლ კერიკი. მარუანი გამოტოვებს ზამთრის ყველა თამაშს, მათ შორის "ბოქსინ დეისაც", მაგრამ ექნება შანსი ითამაშოს ჩემპიონთა ლიგის მერვედფინალში, "ოლიმპიაკოსის" წინააღმდეგ. მოიესმა განაცხადა:"ფელაინის მაჯის ტრავმასთან ერთად აქვს ზურგზე პრობლემები. მე მას კიდევ ერთხელ გავგზავნი სკანირების პროცედურაზე, თუ არ იქნება არანაირი ცვლილება, მოუწევს ზურგზეც მკურნალობა. მისი ზურგის მკურნალობა მაქსიმუმ 10 დღეს გასტანს. გადაჭრით ვერ გეტყვით, გაიკეთებს თუ არა ოპერაციას, მაგრამ ის გამოტოვებს 6 კვირას მაჯის ტრავმის გამო."

კერიკის დაბრუნებას მოიესი მოუთმენლად ელის

ფელაინიმ სულ "იუნაიტედის" შემადგენლობაში 11 მატჩი ჩაატარა. ბოლოს მოედანზე ის "ევერტონთან" 0-1 დასრულებულ შეხვედარში გამოჩნდა. მისი გუნდელი, მაიკლ კერიკი უკვე დიდი ხანია რაც გუნდს გამოაკლდა. ის შესაძლოა "ბოქსინ დეის" ბოლოს დაბრუნდეს.