"არსენალის" ბოსები აქტიურად ცდილობდნენ იოზილისა და დი მარიას ყიდვას. არსენ ვენგერმა შეძლო და გერმანელი ფეხბურთელი დაიმატა, თუმცა როგორც დღეს ირკვევა, არგენტინელმა თავად თქვა უარი წასვლაზე.

"არსენალი" დი მარიაში 26 მილიონს იხდიდა, საჭიროების შემთხვევაში კი ვენგერი არშავინსაც შეელეოდა.

მას შემდეგ, რაც ბეილი "სამეფო" კლუბში გადავიდა, დი მარიას სათამაშო დროც შეუმცირდა. შეიძლება სწორედ ეს გახდეს მისი ტრანსფერი მიზეზი. არსენ ვენგერი კი არგენტინელის ყიდვას უკვე ამ ზამთარს შეეცდება.

მიუხედავად "არსენალის" დაინტერესებისა, "მანჩესტერ იუნაიტედი" მაინც შეეცდება დი მარიას ყიდვას. დევიდ მოიესს აუცილებლად სჭირდება ახალი ფეხბურთელები და ზამთრის პირველი შენაძენიც სავარაუდოდ არგენტინელი გახდება.

ფლორენტინო პერეზმა კი განაცხადა, რომ დი მარიას თაობაზე არანაირი შეთავაზება არ ყოფილა.