როგორც ცნობილი გამოცემა Metro იუწყება, "არსენალი" და "მანჩესტერ იუნაიტედი" ცდილობენ გადაიბირონ იტალიელი ვარსკვლავი კლაუდიო მარკიზიო.

მარკიზიომ მთელი თავისი კარიერა გაატარა :იუვენტუსში",პრემიერ ლიგაში გადასვლა კი დიდი ნაბიჯი იქნება მისთვის.

მარკიზიოს გუნდის დატოვების შანსები არსებობს, რადგან "იუვენტუს"–ში ნახევარდაცვის პოზიციაზე საკმაოდ ბევრი ფეხბურთელი თამაშობს და კლაუდიოს უკვე აღარ აქვს ჩვეული სათამაშო დრო.

"მანჩესტერ იუნაიტედის" მწვრთნელი დევიდ მოიესი უკვე დიდი ხანია აპირებს ნახევარდაცვის ხაზის გაძლიერებას.

ზაფხულის სატრანსფერო ფანჯარაზე მოიესი ცდილობდა შეეძინა ვარსკვლავები ნახევარდაცვის პოზიციაზე, მათ შორის იყვნენ : ტიაგო ალკანტარა, ლუკა მოდრიჩი, ანდერ ჰერერა და სხვა. მოიესმა მხოლოდ მისი ყოფილი კლუბის ნახევარმცველის, მარუან ფელაინის გადმობირება შეძლო, რომელმაც ახალ კლუბში თავი ჯერ–ჯერობით ვერ გამოიჩინა.

იტალიელის ყიდვას ასევე შეეცდება ლონდონის არსენალი. რომელიც ჯერ–ჯერობით ნახევარდაცვის ხაზს ანდობს არც თუ ისე სტაბილურ ფეხბურთელს,- მატეუ ფლამინის.

წყარო