"მანჩესტერ იუნაიტედს" პრობლემები შეექმნა ნახევარდაცვის ცენტრთან. როგორც ცნობილია მაიკლ კერიკი გამოტოვებს დაახლოებით თვენახევარს, რაც გუნდისთვის დიდ პრობლემას წარმოადგენს, მაგრამ არა ერთადერთს.

როგორც გამოცემა Daily Mirror გვამცნობს, საზარდულის ტრავმის გამო ინგლისის ნაკრები დატოვა "იუნაიტედის" მცველმა ფილ ჯონსმა. ამასთანავე, მაღალ დონეზე ვერ თამაშობს კლუბის ახალწვეული მარუან ფელაინი, რომელსაც სულ მალე ოპრეაციას გაუკეთებენ. დარენ ფლეტჩერი გამოჯანმრთელების გზას ადგას, მაგრამ ჯერ პირველ გუნდს ვერ დაეხმარება.

ეს იმას ნიშნავს, რომ პრემიერ-ლიგის მომდევნო მატჩისთვის "კარდიფის" წინააღმდეგ - დევიდ მოიეს მხოლოდ სამი ცენტრალური ნახევარმცველის არჩევა შეეძლება და ესენი არიან: რაიან გიგზი, ტომ ქლევერლი და ანდერსონი.

ამ სიტუაციამ, შესაძლოა დევიდ მოიესი იქამდე მიიყვანოს, რომ უეინ რუნი ნახევარმცველის პოზიციაზე დაწიოს, როგორც ამას სერ ალექს ფერგიუსონი აკეთებდა ხოლმე. ასევე ამბობენ, რომ თუ ფელაინი ისევ დაბალ დონეზე გააგრძელებს თამაშს, მაშინ ოპერაციას დაჩქარება მოუწევს "იუნაიტედს".

წყარო:http://fapl.ru